Read Tabaa Zapotec Salmos 112 Bible Online

Salmos 112 - Tabaa Zapotec bible

Salmos 112

¹Ba neza zrente̱ naca na chee̱ bénnea' dxezrebe̱' Xránadxu Dios,ne ca zaj naca da bdxixruj be̱'e̱ dxezaca ba lázrele̱'e̱ne̱'.

²Zri'ine zre sua bénnea' xelape̱' xel-la' dxenná bea lu xe̱zr la xu,na' gaca chawe' chee̱ benne' xrlátaje ca'.

³Da zan da de̱, ne xel-la' gunní'a zaj zra na xu'u lizre̱',ne tu chí'izqueze zua da xrlátaje da dxun bénnea'.

⁴Dxusaní' tu xi' lu da chul-la naga zaj zra' benne' li lazre' ca',benne' ca' zaj naque̱' zren lazre', ne xrlátaje, ne dxelexache lazre̱' bénneache.

⁵Tu benne' xrlátaje dxexache lazre̱' bénneache, ne dxusane̱' le̱' dumí.Lu da xrlátaje dxenná bé'ene̱' da zaj xu'u lu ne̱'e̱.

⁶Chee̱ le̱ na' quebe bi gutá na le̱' lu lataj naga zue̱',na' tu chí'izqueze xeajlesá lazre̱' bénneache ca'.

⁷Quebe zrebe̱' gate xenne̱' dxaca da cale̱la chee̱ da xu'u lu ne̱'e̱.Ze̱ chacha lázrdawe̱' lawe' da dxuxrén lazre̱' Xránadxu Dios.

⁸Zua chawe' lázrdawe̱', ne quebe bi dxezrebe̱',ca zrindxa zra lé'ene̱' gaca chee̱ benne' ca' guledábague̱' le̱' ca da dxezá lazre̱'.

⁹Dxisie̱' da de̱ chee̱', ne dxunézruje̱' da gácale̱ benne' xache' ca',ne tu chí'izqueze zua da xrlátaje da dxune̱'.Lu da xabáa xegá'ana szren xel-la' dxenná bea chee̱'.

¹⁰Walé'e benne' we̱n da cale̱la da nigá, na' gueque zréajene̱'.Gágu xa'ate̱ lazxe̱', ne cue'e̱ gunne xue.Xelenite da ca' dxelezá lazre' benne' ca' dxelune̱' da cale̱la.