Read Tabaa Zapotec Salmos 113 Bible Online

Salmos 113 - Tabaa Zapotec bible

Salmos 113

¹¡Le'e, we̱n zrin chee̱ Xránadxu Dios, le güe lá'ana Le̱'!¡Le güe lá'ana La Xránadxu Dios!

²¡Gaca ba lá'azxa La Xránadxu Dios,na'a zra, ne chadía chacanna!

³¡Naga dxalaj gubizra ca zrinte̱ naga dxebía nagaca ba lá'azxa La Xránadxu Dios!

⁴¡Szrente̱ nagá'ana Xránadxu Dios lawe' dute̱ xe̱zr la xu,na' láwela xabáa dxe' da xabáa chee̱'!

⁵¿Núzraqueze naca ca naca Xránadxu Dios,Bénnea' dxe'e̱ xabáa na'la?

⁶Dios dxun cuine̱' dxexruj lazre' chee̱ lé'ene̱'da de̱ zran xabáa, ne lu xe̱zr la xu.

⁷Dios dxechise̱' benne' xache' lu xu xrte,ne dxebéaje̱' benne' baxache' lu da dxezaca zi'e̱,

⁸na' dxune̱' dxelebé' benne' caní ládujla benne' dxelenná be'e̱,ládujla benne' ca' dxelenná bé'ene̱' bénneache chee̱'.

⁹Dxune̱' zua nu'ula zue̱' tuze ládujla zrí'inequeze̱' ca',na' dxebé nu'ula nigá lawe' da naque̱' xrna bi cheé̱queze̱'. ¡Gaca ba lá'azxa Xránadxu Dios!