Read Tabaa Zapotec Salmos 115 Bible Online

Salmos 115 - Tabaa Zapotec bible

Salmos 115

¹Quegá netu', Xran.Quegá cuintu', san Lué'queze dxal-la' xucá'ana szrentu'ne̱ chee̱ xel-la' zri'i lazre' chiu', ne xel-la' li lazre' chiu'.

²¿Bizr chee̱ na' dxun na ba xen xuluche̱be bénneache netu':“Gazra zua Dios chee̱le?”

³Dios chee̱dxu zue̱' xabáa.Dxune̱' ca da dxaca lázrequeze̱'.

⁴Dios ca' chee̱ benne' ca' zaj naca na bedáu' plata,ne bedáu' oro, da nun ni'a na' bénneache.

⁵Zaj zua dxu'a na, san quebe dxelenné̱ na.Zaj zua xiaj lau na, san quebe dxelelé'e na.

⁶Zaj zua naga na, san quebe dxelén na.Zaj zua zrina na, san quebe dxelelé'e na.

⁷Zaj zua na' na, san quebe bi dxelecá'a na.Zaj zua ni'a na, san quebe dxeledá na.Quebe dxedxuaj chi'i na lba na.

⁸Ca zaj naca na, zaj naca benne' ca' zaj nune̱' na,ne benne' ca' dxuluxrén lazre̱' na.

⁹Le guxrén lazre' Xránadxu, le'e, benne' Israel ca'.Le̱' dxácale̱ne̱' le'e, ne dxuxúe̱' le'e.

¹⁰Le guxrén lazre' Xránadxu, le'e, bxruze chee̱ Dios, nácale zri'ine zre sua Aarón.Le̱' dxácale̱ne̱' le'e, ne dxuxúe̱' le'e.

¹¹Le guxrén lazre' Xránadxu, le'e dxucá'ana szrenle Le̱'.Le̱' dxácale̱ne̱' le'e, ne dxuxúe̱' le'e.

¹²Xránadxu dxajsá lazre̱' dxi'u, na' gune̱' dxi'u da chawe'.Gune̱' da chawe' chee̱ benne' Israel ca'.Gune̱' da chawe' chee̱ bxruze chee̱', zri'ine zre sua Aarón.

¹³Gune̱' da chawe' chee̱ xúgute̱ benne' dxelape̱' Le̱' ba lá'ana,benne' blau ca', ne benne' quebe zaj naque̱' blau.

¹⁴Gun Xránadxu chan zri'inu' ca',ne chan zri'ine bi biu chiu' ca'.

¹⁵Gun Xránadxu da chawe' chiu'.Naque̱' Bénnea' be̱n xabáa, ne xe̱zr la xu.

¹⁶Chee̱ tuze Xránadxu naca xabáa,san bnézruje̱' bénneache xe̱zr la xu.

¹⁷Benne' zaj nate quebe gaca xelúe lá'ane̱' Xránadxu,ne quebe gaca benne' ca' zaj zue̱' lu xe̱dxu ba.

¹⁸Dxi'u, benne' ban, güe lá'anadxu Xránadxu,na'a zra, ne chadía chacanna. ¡Le güe lá'ana Xránadxu!