Read Tabaa Zapotec Salmos 116 Bible Online

Salmos 116 - Tabaa Zapotec bible

Salmos 116

¹¡Nazrí'ida' Xránadxu Dioslawe' da benne̱' chi'a, ne da gunaba' lawe̱',

²ne lawe' da bze̱ nague̱' chia'!Chee̱ le̱ na' guláwizra' Le̱' dxácate̱ naca bana'.

³Guzúa' lu da ste̱be chee̱ xel-la' gute,ne bzreba' ba zua' chu'a lataj ba xa'.Guzúa' lu da ste̱be, ne guzaca zi'a.

⁴Nadxa bláwizra' Xránadxu Dios, gunnía':Xrana' Dios, bselá bénne'du xu'a.

⁵Cháwe'le̱'e̱ naca Xránadxu Dios, ne xrlátaje naque̱'.Awe', dxexache lazre' Dios chee̱dxu dxi'u.

⁶Dxuxúe Xránadxu benne' dxexruj lazre' ca'.Gate na' guzúa' lu da ste̱be bselé̱' neda'.

⁷Be̱n dipa lazre', bénne'du xu'a,lawe' da nun Xránadxu da chawe' chiu'.

⁸Lue', Xran, bseláu' bénne'du xu'a lu na' xel-la' gute,chee̱ québedxa cuezre we̱'a, ne chee̱ quebe cheajcházia'.

⁹Ta' lau Xránadxu Diosnaga zaj zra' benne' ca' zaj naca bane̱'.

¹⁰Guxéajle̱'a chee̱', na' chee̱ le̱ na' bchálaja', lácala guzaca zí'le̱'a.

¹¹Lu xel-la' dxezrebe chia', gunnía':Zaj naca xúgute̱ bénneache benne' we̱n lazre' ca'.

¹²¿Bizra quízrujqueza' Xránadxu Dioschee̱ xúgute̱ da chawe' da be̱ne̱' chia'?

¹³Si'a lu ne̱'e̱ xel-la' weselá,ne guláwizra' Xránadxu Dios.

¹⁴Na'a guna' da ca' guche̱be lazra' lau Xránadxu.Guna' na lau xúgute̱ bénneache chee̱'.

¹⁵Xránadxu Dios dxe'e̱ gunne xuechee̱ bénneache chee̱' gate dxelátie̱'.

¹⁶Xrana' Dios, da li naca' we̱n zrin chiu'.Naca' we̱n zrin chiu', ne zri'ine nu'ula we̱n zrin chiu'.Lue' bzúzruju' da zaj nadxéaj na neda'.

¹⁷Da güe lá'ana' Lue' gaca na ca tu béadau' gutia' lau',ne gucá'ana szrena' Lau', Xrana' Dios.

¹⁸Lau Xránadxu Dios guna' da ca' guche̱be lazra' chee̱',da guna' lau xúgute̱ bénneache chee̱'.

¹⁹Guna' na chale'aj xu'u lizre Xránadxu Dios,da dxe' na lu'ule xe̱zre Jerusalén. ¡Gaca ba lá'azxa Xránadxu Dios!