Read Tabaa Zapotec Salmos 118 Bible Online

Salmos 118 - Tabaa Zapotec bible

Salmos 118

¹¡Le güe lá'ana Xránadxu Dios lawe' da naque̱' xrlátaje,ne lawe' da chadía chacanna dxexache lazre̱' dxi'u!

²Dxal-la' xelenná benne' Israel ca':¡Chadía chacanna dxexache lazre̱' dxi'u!

³Dxal-la' xelenná zri'ine zre sua Aarón:¡Chadía chacanna dxexache lazre̱' dxi'u!

⁴Dxal-la' xelenná benne' ca' dxelezrebe̱' Xránadxu Dios:¡Chadía chacanna dxexache lazre̱' dxi'u!

⁵Gate na' guzúa' lu da ste̱be bláwizra' Xránadxu Dios,na' beche̱be Xránadxu, ne bselé̱' neda' lu da na' be̱xru na neda'.

⁶Zuale̱ Xránadxu neda', na' québequeze zreba'bi xelún bénneache chia' neda'.

⁷Zúale̱ Xránadxu neda' ládujla benne' ca' dxelácale̱ne̱' neda'.Chee̱ le̱ na' le'eda' cheajlechaze benne' ca' dxelecuídene̱' neda'.

⁸Cháwe'dxa naca guxrén lázredxu Xránadxu Diosquézcala guxrén lázredxu bénneache.

⁹Cháwe'dxa naca guxrén lázredxu Xránadxu Diosquézcala guxrén lázredxu benne' dxelenná be'e̱.

¹⁰Gulechaj benne' xúgute̱ cue' xe̱zr la xu neda',na' lu La Xránadxu Dios guzría xi'a benne' ca'.

¹¹Guléchaje̱' neda', ne buluchídie̱' neda',na' lu La Xránadxu Dios guzría xi'a benne' ca'.

¹²Guléchaje̱' neda' ca dxelún be̱scutuche',na' guca xel-la' dxelezrá'a chee̱' ca tu xi' da dxuzezxe na xixre' xeche' bizre,na' lu La Xránadxu Dios guzría xi'a benne' ca'.

¹³Buluzrigue̱' neda' chee̱ cheajcházia'na' gúcale̱ Xránadxu Dios neda'.

¹⁴Naca Xránadxu Dios ca tu xu'u naga zua chawa',na' tu gúl-lazqueza' chee̱' lawe' da Lé̱queze̱' dxuselé̱' neda'.

¹⁵Xel-la' dxelebé dxelul-la benne' xrlátaje ca'lawe' da dxuselá Xránadxu le̱'.Dute̱ xel-la' waca chee̱' dxun Xránadxu Dios da zrente̱ ca'.

¹⁶Szrente̱ nagá'ana xel-la' waca zren chee̱ Xránadxu Dios.Da zrente̱ ca' dxun xel-la' waca zren chee̱ Xránadxu.

¹⁷Québequeze gatia', san gaca bana',na' guzenda' bénneache ca zaj naca da nun Xránadxu.

¹⁸Bde Xránadxu neda' lu da ba xa',san quebe bdee̱' neda' lu na' xel-la' gute.

¹⁹Gusalaj dxa xu'u chee̱ chu'a naga guchi'u chia', Xran,na' chu'a na', ne güe lá'ana' Lue', Xrana' Dios.

²⁰Dxa xu'u nigá naca na chee̱ Xránadxu Dios.Dxa xu'u nigá dxelú'u benne' xrlátaje ca'.

²¹Güe lá'ana' Lue', Xran, lawe' da bennu' chia',ne bseláu' neda' lu da guca chia'.

²²Xiaj na' da buluzúa benne' we̱n xu'u ca' chalá'ala,le̱ na' naca na xiaj blau.

²³Da nigá be̱n Xránadxu,na' naca na tu da dxexebánedxu.

²⁴Zra nigá naca na zra da be̱n Xránadxu.Béle̱'e̱dxu, ne súadxu lu da ba neza lu zra nigá.

²⁵Xrana' Dios, dxata' xueda' Lue' guseláu' netu' na'a.Dxata' xueda' Lue', Xrana', gunu' chepe ban na'a da dxuntu'.

²⁶Ba neza zrente̱ naca na chee̱ bénnea' ze̱'e̱ waláz chee̱ Xránadxu Dios.Lu xu'u lizre Xránadxu Dios nigá dxenábantu' gaca chawe' chiu'.

²⁷Xránadxu naque̱' Dios, ne ba be̱nne̱' dxi'u tu da dxusaní na.Le guchéaj béadu ca' gútele lawe̱' lu luzu cugu chee̱'.

²⁸Nacu' Lue' Dios chia', na' güe lá'ana' Lue'.Dios chia', gucá'ana szrena' Lue'.

²⁹¡Le güe lá'ana Xránadxu Dios lawe' da naque̱' xrlátaje,ne lawe' da chadía chacanna dxexache lazre̱' dxi'u!