Read Tabaa Zapotec Salmos 119 Bible Online

Salmos 119 - Tabaa Zapotec bible

Salmos 119

¹Ba neza zrente̱ naca na chee̱ benne' ca' tu dxelúnzqueze̱' da naca du lazre',benne' ca' tu dxelúnzqueze̱' ca dxenná da bdxixruj bea Xránadxu Dios.

²Ba neza zrente̱ naca na chee̱ benne' ca' tu dxelúnzqueze̱' ca dxuse̱de dizra' chee̱' dxi'u,na' dute̱ xichaj lázrdawe̱' dxuluzúe̱' dizra' chee̱'.

³Benne' caní québequeze dxelune̱' da zrinnaj,benne' ca' tu dxelúnzqueze̱' ca dxenná Dios dxal-la' xelune̱'.

⁴Lue', Xran, bsízrenu' netu' chee̱ gun xánnentu'ca zaj naca da bdxixruj be'u Lue'.

⁵Dxaca lázrele̱'a tu gúnzqueza'ca zaj naca xrba chiu'.

⁶Nadxa québequeze xedué'eda',na' cue'a gunne xue guna' xúgute̱ da bdxixruj be'u.

⁷Dute̱ xel-la' li lazre' chia' güe lá'ana' Lue' gate ba nusé̱dia'da ca' nuchi'u chee̱ntu', da zaj naca na xrlátaje.

⁸Tu gúnzqueza' ca da dxenná be'u.Québequeze cueaj xíchaju' neda'. Dxal-la' gundxu da gunnáqueze Dios

⁹¿Ájala gun benne' cuide' gunbe' da naca na xrlátaje?Dxal-la' tu gúnzquezebe' ca dxenná xrtizru'.

¹⁰Dute̱ xichaj lázrdawa' dxuna' ba xuzre guna' da dxennáu' Lue'.Quebe gu'u lataj guzúa' chalá'ala ca da bdxixruj be'u.

¹¹Lu xichaj lázrdawa' tu dxúnzqueza' ca da dxennáu' Lue'chee̱ quebe guna' dul-la tábaga' Lue'.

¹²Ba lá'azxa nacu' Lue', Xrana' Dios.Bsé̱de neda' da ca' dxenná be'u.

¹³Nen dxú'aqueza' ba bzenda' bénneacheca zaj naca da ca' nuchi'u chee̱ntu'.

¹⁴Dxebéle̱'e̱dxeda' tu dxúnzqueza' ca dxuse̱de dizra' chiu' netu',quez ca dxelebé benne' ca' dé̱le̱'e̱ xel-la' gunní'a chee̱'.

¹⁵Gulaba lazra' ca zaj naca da bdxixruj be'u Lue',ne nna' xánnia' ca dxennáu' dxal-la' guntu'.

¹⁶Béle̱'e̱da' guna' ca da dxenná be'u,ne quebe gal-la lazra' ca zaj naca xrtizru'. Dxebéle̱'e̱dxu dxundxu da dxennáqueze Dios

¹⁷Be̱n gaca chawe' chia' neda', we̱n zrin chiu',na' gaca bana', ne tu gúnzqueza' ca naca xrtizru'.

¹⁸Gusalaj xiaj lawa' chee̱ nna'ada zrente̱ ca' da zaj zua na lu da bdxixruj be'u.

¹⁹Naca' ca tu benne' dxedaze̱' lu xe̱zr la xu nigá.Be̱n chéajni'ida' da dxenná da bdxixruj be'u.

²⁰Dxedú lazra' lawe' da tu chí'izquezedxezá lazra' guna' da ca' nuchi'u chee̱ntu'.

²¹Gudil-lu' benne' ca' dxulucá'ana szren cuine̱', benne' we̱n da cale̱la ca',benne' ca' dxuluzúe̱' chalá'ala da bdxixruj be'u.

²²Quebe gu'u lataj nu benne' nne̱' schanni' chia', na' quegá gucá'ana dítaje̱' neda'lawe' da tu dxúnzqueza' ca dxusé̱denu' netu'.

²³Cá'anqueze benne' dxelenná bea ca' gulenné̱' chia'.Neda', we̱n zrin chiu', blaba lazra' ca zaj naca xrba chiu'.

²⁴Dxezaca ba lázrele̱na' da dxuse̱de dizra' chiu' netu'.Dxuluzéajni'i na neda'. Dute̱ lázrdaudxu gundxu da dxennáqueze Dios

²⁵Zua bénne'du xu'a lu da ste̱be chee̱ xel-la' gute.Be̱n dipa xichaj lázrdawa' nen xrtizru'.

²⁶Ble'eda' Lue' ca zaj naca da dxuna', na' bezi'u neda'.Bse̱de neda' ca zaj naca xrba chiu'.

²⁷Be̱n chéajni'ida' ca gaca guna' ca bdxixruj be'uchee̱ gulaba lazra' ca zaj naca da zrente̱ ca' da be̱nu'.

²⁸Dxedú lazra' lawe' da dxewí'ine lázrele̱'a.Be̱xru chacha neda' ne̱ chee̱ xrtizru'.

²⁹Quebe gu'u lataj guna' da naca na we̱n lazre'.Lu xel-la' dxexache lazre' chiu' bse̱de neda' da bdxixruj be'u.

³⁰Bechugu lazra' guna' da naca li lazre',na' dxe'a gunne xue guna' da ca' nuchi'u chee̱ntu'.

³¹Tu dxúnzqueza' ca dxuse̱de dizra' chiu' netu'.Xran, quebe guzú' neda' lu xel-la' stu'.

³²Tu gúnzqueza' ca bdxixruj be'u,gate guzéajni'idxenu' neda'. Dxaca lázredxu chéajni'idxu xrtizra' Dios

³³Xran, bse̱de neda' chee̱ guna' ca naca xrba chiu',na' tu gúnzqueza' ca naca na ca zrindxa zra cheajsé̱ chia'.

³⁴Bzéajni'i neda', na' tu gúnzqueza' da bdxixruj be'u,na' dute̱ lázrdawa' guna' ca naca na.

³⁵Ble'e neda' chee̱ guna' da bdxixruj be'u,lawe' da dxaca lázrequeza' guna' ca dxenná na.

³⁶Be̱n sa lazra' guna' ca dxuse̱de dizra' chiu' netu',chee̱ quebe gaca' benne' wecude.

³⁷Quebe gu'u lataj gucá'ana szrena' bedáu' xia xaga ca'.Be̱n dipa xichaj lázrdawa' chee̱ guna' ca dxenná xrtizru'.

³⁸Be̱n ca dxenná xrtizru' da guche̱be lazru' chia' neda',we̱n zrin chiu', chee̱ zreba' Lue'.

³⁹Bde chalá'ala dizra' schanni' da dxelenné̱' chia',da na' dxezreba', lawe' da xrlátaje zaj naca xrba chiu'.

⁴⁰Dxezá lazra' guna' da bdxixruj be'u.Be̱n dipa xichaj lázrdawa' nen da xrlátaje chiu'. Dxuxrén lázredxu xrtizra' Dios

⁴¹Gudá xexache lazru' neda', Xrana' Dios.Gudá guseláu' neda', ca ba guche̱be lazru' gunu'.

⁴²Beche̱ba' lau bénnea' dxusi'e̱ neda' xel-la' stu', gunnía':Dxuxrén lazra' xrtizra' Xrana' Dios.

⁴³Be̱n tu séquezda' guchálaja' dizra' li lazre' chiu',lawe' da dxebeza lazra' da ca' dxuchi'u chee̱ntu'.

⁴⁴Tu gúnzqueza' ca dxenná da bdxixruj be'u.Guna' na tu chí'izqueze, ne chadía chacanna.

⁴⁵Láqueza' neda'lawe' da dxe'a gunne xue guna' ca bdxixruj be'u.

⁴⁶Guchálajqueza' ca dxuse̱de dizra' chiu' netu'lau benne' wenná bea ca', na' québequeze xedué'eda'.

⁴⁷Wabéle̱'e̱quezda' guna' ca bdxixruj be'u,da ca' nazrí'ile̱'e̱da'.

⁴⁸Dxeche̱be lazra' guna' ca bdxixruj be'u,da nazrí'ida', na' gulaba lazra' ca naca xrba chiu'. Tu zúazqueze xrtizra' Dios

⁴⁹Bsa lazre' da guche̱be lazru' chia' neda',we̱n zrin chiu', da na' be̱nu' dxebeza lazra'.

⁵⁰Gate na' guzaca zi'a, guzúa tu da bexúe zren na neda'lawe' da be̱n dipa xrtizru' xichaj lázrdawa'.

⁵¹Benne' dxulucá'ana szren cuine̱' belún lale̱' chia' neda',san québequeze gusana' da dxenná da bdxixruj be'u.

⁵²Xeajsá lazra' da bchi'u chee̱ntu' nédxudaute̱, Xran,na' bexaca zrena'.

⁵³Nen dute̱ xel-la' dxezrá'a guzúa' lu da ste̱be ne̱ chee̱ benne' ca' dxelune̱' da zrinnaj,benne' ca' dxuluzúe̱' chalá'ala da bdxixruj be'u.

⁵⁴Xrba chiu' ca' gulaca na chia' ca tu da dxul-la'gate na' zua' tu xe̱zr la xu zitu'.

⁵⁵Chizrela xeajsá lazra' lau' Lue', Xrana' Dios,na' tu bénzqueza' ca dxenná da bdxixruj be'u.

⁵⁶Lu da ba neza caní guzúa'lawe' da tu bé̱nzqueza' ca zaj naca da bdxixruj be'u. Dxebedxu dxulábadxu xrtizra' Dios

⁵⁷Da dxezá lazra' nácaquezu' Lue', Xrana' Dios.Ba gunnía' tu gúnzqueza' ca naca xrtizru'.

⁵⁸Dute̱ lázrdawa' dxenaba' Lue' xidu' gácale̱nu' neda'.Bexache lazre' neda' ca ba gunnáu' gunu'.

⁵⁹Gunná' xannia' ca zaj naca da dxuna',na' xecha lasa dxuna' ca dxuse̱de dizra' chiu' netu'.

⁶⁰Be̱na' ba xuzre, ne quebe guzreda'chee̱ tu gúnzqueza' ca bdxixruj be'u.

⁶¹Xralaj chee̱ benne' ca' dxelune̱' da cale̱la zaj nuchele̱ na neda',san quebe ne gal-la lazra' ca dxenná da bdxixruj be'u.

⁶²Dxe̱la dxasa' chee̱ güe lá'ana' Lue'lawe' da xrlátaje zaj naca da ca' dxuchi'u chee̱ntu'.

⁶³Naca' tuze nen xúgute̱ benne' ca' dxelezrebe̱' Lue',benne' ca' tu dxelúnzqueze̱' da bdxixruj be'u.

⁶⁴Xrana' Dios, dxezrín dute̱ xe̱zr la xu xel-la' dxexache lazre' chiu'.Bse̱de neda' chee̱ guna' ca dxenná xrba chiu'. Zácale̱'e̱ da wnnáqueze Dios

⁶⁵Ba be̱nu' guca chawe' chia' neda', we̱n zrin chiu'.Xran, be̱nu' na cáte̱ze dxenná xrtizru'.

⁶⁶Bse̱de neda' chee̱ gueque be'eda' da naca xrlátaje,ne chee̱ chéajni'ida' lawe' da dxéajle̱'a da bdxixruj be'u.

⁶⁷Nédxula ca bzéxruju' neda' gudéa' chalá'ala,na' na'a tu dxúnzqueza' ca dxenná xrtizru'.

⁶⁸Nacu' xrlátaje, ne dxunu' gaca chawe' chee̱ntu'.Bse̱de neda' guna' ca naca xrba chiu'.

⁶⁹Benne' dxulucá'ana szren cuine̱' gulenné̱' chia' da we̱n lazre'san dute̱ lázrdawa' tu gúnzqueza' ca bdxixruj be'u.

⁷⁰Quebe xu'u xel-la' dxéajni'i lázrdau benne' ca'.Neda' dxezaca ba lázrele̱na' da dxenná da bdxixruj be'u.

⁷¹Chawe' naca bzéxruju' neda'chee̱ gusé̱dia' guna' ca naca xrba chiu'.

⁷²Cháwedxa naca da bdxixruj be'u chia' neda'quez ca gaxúa gaxúane dumí oro, ne plata. Cháwele̱'e̱ naca da wnnáqueze Dios

⁷³Nen ná'quezu' be̱nu' neda' cáte̱ze naca'.Bzéajni'i neda' chee̱ gusé̱dia' guna' ca bdxixruj be'u.

⁷⁴Benne' dxelezrebe̱' Lue' xelelé'ene̱' neda'.Xelebene̱' lawe' da dxebeza lazra' gaca ca dxenná xrtizru'.

⁷⁵Xran, ba nézquezda' xrlátaje naca da dxuchi'u chee̱ntu',na' lu dute̱ xel-la' li lazre' chiu' bsaca zi'u neda'.

⁷⁶Lu dute̱ xel-la' dxexache lazre' chiu' bexúe zren neda'cáte̱ze dxenná da guche̱be lazru' chia' neda', we̱n zrin chiu'.

⁷⁷Bexache lazre' neda' chee̱ gaca bana'lawe' da dxezaca ba lázrele̱na' da bdxixruj be'u.

⁷⁸Be̱n xelexedué'e benne' ca' dxulucá'ana szren cuinalawe' da gulenné̱' schanni' chia', ne quebe bi bena' chee̱'.Neda' gulaba lazra' ca da bdxixruj be'u.

⁷⁹Be̱n xelexelá' benne' ca' dxelezrebe̱' Lue', chee̱ xelenne̱' chia',na' xulusé̱die̱' da dxuse̱de dizra' chiu' netu'.

⁸⁰Be̱n gaca' du lazre' ca naca xrba chiu'chee̱ québequeze xedué'eda'. Gun Dios ca dxenná xrtizre̱'

⁸¹Zua bénne'du xu'a lu da ste̱belawe' da dxebeza' xidu' guseláu' neda',na' dxebeza lazra' gaca ca dxenná xrtizru'.

⁸²Dxezé̱ bxrinne xiaj lawa' lawe' da dxezá lazra' xrtizru',dxennia': ¿Bátaqueze xexúe zrenu' neda'?

⁸³Dxebizra' ca tu buzude xide ze̱ na lu zren,san quebe dxal-la lazra' guna' ca dxenná xrba chiu'.

⁸⁴¿Bal-la zra gaca bana' neda', we̱n zrin chiu'?¿Bátaqueze gudéu' lu da ba xa' benne' ca' dxeláu zi' xuzre̱' neda'?

⁸⁵Benne' dxulucá'ana szren cuine̱' gule̱ne̱' tu xe̱dxu naga cheajcházia'.Québequeze dxelune̱' ca dxenná da bdxixruj be'u.

⁸⁶Da líqueze zaj naca xúgute̱ da bdxixruj be'u.Gúcale̱ neda' lawe' da dxeláu zi' xuzre̱' neda', ne quebe bi nuna' chee̱'.

⁸⁷Xeláteze la belutie̱' neda',san quebe ne gusana' guna' ca bdxixruj be'u.

⁸⁸Lu xel-la' dxexache lazre' chiu' be̱n dipa xichaj lázrdawa',chee̱ tu gúnzqueza' ca dxuse̱de dizra' chiu' netu'. Dxéajle̱'dxu xrtizra' Dios

⁸⁹Xrana' Dios, tu chí'izquezezua xrtizru' xabáa na'la.

⁹⁰Xel-la' li lazre' chiu' sua na chee̱ xúgute̱ bénneache.Lue' bzua chúchuquezu' xe̱zr la xu, na' zúaqueze na.

⁹¹Ne̱ chee̱ da gunnáquezu' zaj nnita xúgute̱ da de̱,na' xúgute̱ da ca' dxelún na zrin chiu'.

⁹²La quebe bezaca ba lázrele̱na' da bdxixruj be'ubache benítia' lu da guzaca zi'a.

⁹³Cabátaqueze gal-la lazra' da bdxixruj be'ulawe' da ne̱ chee̱ da ca' ba btipu' lazra'.

⁹⁴Chiu' Lue' naca' neda'.Bselá neda', lawe' da dxuna' ba xuzre guna' ca bdxixruj be'u.

⁹⁵Benne' dxelebéaj xichaj Dios gulenné̱'e̱ neda' chee̱ xuluzría xi'e̱ neda',san neda' dxulaba lazra' ca dxuse̱de dizra' chiu'.

⁹⁶Dxelé'equezda' dxeajsé̱ chee̱ xúgute̱ da de̱ lu xe̱zr la xu,san da bdxixruj be'u Lue' québequeze cheajsé̱ chee̱ na. Dxaca lázredxu gúnbeadxu xrtizra' Dios

⁹⁷Dios, nazrí'ile̱'e̱da' da bdxixruj be'u.Du zra dxulaba lazra' ca naca na.

⁹⁸Ne̱ chee̱ da bdxixruj be'u nunu' nácadxa' sina ca benne' ca' dxeledábague̱' neda'lawe' da tu zúale̱zqueze da bdxixruj be'u neda'.

⁹⁹Dxéajni'idxeda' ca benne' ca' dxulusé̱dene̱' neda'lawe' da dxulaba lazra' ca dxuse̱de dizra' chiu' neda'.

¹⁰⁰Ba guxéajni'idxeda' ca benne' gula ca'lawe' da tu dxúnzqueza' ca dxenná da bdxixruj be'u.

¹⁰¹Be̱na' ba xuzre quebe bi da cale̱la guna'chee̱ tu gúnzqueza' ca dxenná xrtizru'.

¹⁰²Quebe bsana' dxuna' da ca' nuchi'u chee̱ntu'lawe' da Lué'queze bsé̱denu' neda'.

¹⁰³Xrtizru' naca na ca tu da zíxrele̱'e̱ lu dxu'a.Nácadxa na zixre ca bzrína'dau' lu dxu'a.

¹⁰⁴Ne̱ chee̱ da bdxixruj be'u naca' benne' sina.Chee̱ le̱ na' dxecuídeda' xúgute̱ da we̱n lazre'. Xrtizra' Dios dxuzéajni'i na dxi'u

¹⁰⁵Ca tu xi' naca xrtizru' naga dxedá',da dxusení na neza xu'a.

¹⁰⁶Bzétaja' Dios, ne guche̱be lazra'tu gúnzqueza' ca nuchi'u chee̱ntu' da naca na xrlátaje.

¹⁰⁷Dxezaca zí'le̱'a.Xrana' Dios, btipa lazra' cáte̱ze guche̱be lazru' gunu'.

¹⁰⁸Xrana' Dios, dxata' xueda' Lue' si'u da dxue lá'ana' Lue',ne gusé̱denu' neda' guna' ca nuchi'u chee̱ntu'.

¹⁰⁹Tu zúazqueza' lu da ste̱be chee̱ xel-la' gute,san québequeze ne gal-la lazra' guna' ca bdxixruj be'u.

¹¹⁰Benne' dxelebéaj xichaj Dios buluzale̱' xralaj da que̱la na neda'san neda' quebe bsana' dxuna' ca bdxixruj be'u.

¹¹¹Ba gucá'a da dxuse̱de xrtizru' neda' chee̱ gaca na da gápaqueza' chadía chacannalawe' da zaj naca xrtizru' da dxezaca ba lázrele̱'a.

¹¹²Zúate̱queze lázrdawa' guna' ca zaj naca xrba chiu'tu chí'izqueze, ca zrindxa zra cheajsé̱ chia'. Bexácadxu chawe' ne̱ chee̱ xrtizra' Xránadxu

¹¹³Dxecuídeda' benne' ca' dxelune̱' láweze da xrlátaje,san nazrí'ida' da dxenná da bdxixruj be'u.

¹¹⁴Nacu' Lue' ca tu xu'u naga zua chawa', ne ca tu da dxucu'uj na neda',lawe' da dxebeza lazra' gaca na ca dxenná xrtizru'.

¹¹⁵Le gucuasa naga zua', le'e, benne' we̱n da cale̱la,lawe' da tu gúnzqueza' ca bdxixruj bea Dios chia'.

¹¹⁶Bze̱ chacha neda' cáte̱ze dxenná xrtizru', na' gaca bana',ne quebe xedué'eda' chee̱ da na' dxebeza lazra'.

¹¹⁷Bze̱ chacha neda', na' la',ne tu xezaca ba lázrezqueza' ca naca xrba chiu'.

¹¹⁸Bchuchu bléaju' xúgute̱ benne' ca' bulusane̱' ca naca xrba chiu'lawe' da we̱n lazre' naca xel-la' sina chee̱ benne' ca'.

¹¹⁹Ca be̱be bzria xi'u xúgute̱ benne' ca' dxelebéaj xíchaje̱' Lue' lu xe̱zr la xu nigá.Chee̱ le̱ na' nazrí'ida' da dxuse̱de dizra' chiu' netu'.

¹²⁰Dxezrize be̱la' dxen chia' lawe' da dxezreba' Lue',ne dxezreba' da dxuchi'u chee̱ntu' da naca na xrlátaje. Dxal-la' gundxu ca dxenná xrtizra' Xránadxu

¹²¹Ba be̱na' ca da nuchi'u chee̱ntu', ne ca naca da xrlátaje.Quebe gudéu' neda' lu na' benne' ca' dxuluchínene̱' neda'.

¹²²Guche̱be lazre' chia' gunu' gaca chawe' chia'.Quebe gu'u lataj benne' ca' dxulucá'ana szren cuine̱' xuluchínene̱' neda' xadía.

¹²³Guzé̱ bxrinne xiaj lawa' lawe' da dxebeza' xidu' guseláu' neda',ne guchi'u chee̱ntu' ca dxenná xrtizru'.

¹²⁴Dute̱ xel-la' dxexache lazre' chiu' be̱n gaca chawe' chia' neda', we̱n zrin chiu',ne bse̱de neda' guna' ca naca xrba chiu'.

¹²⁵Naca' we̱n zrin chiu'.Bzéajni'i neda' chee̱ gúnbe'a da dxuse̱de dizra' chiu' netu'.

¹²⁶Xrana' Dios, ba bzrin zra bi gunu',lawe' da ba buluzúe̱' chalá'ala da bdxixruj be'u.

¹²⁷Chee̱ le̱ na' neda' nazrí'idxeda' da bdxixruj be'u Lue'quézcala oro, ne quézcala galega oro.

¹²⁸Chee̱ le̱ na' dxéqueda' zaj nácadxa li lazre' da bdxixruj be'u ca xúgute̱ da de̱,na' dxecuídeda' xúgute̱ da zaj naca na da we̱n lazre'. Dxaca lázredxu gundxu ca dxenná xrtizra' Dios

¹²⁹Dxebánentu' ca dxuse̱de dizra' chiu' netu'.Chee̱ le̱ na' du lazra' tu dxúnzqueza' ca dxenná na.

¹³⁰Gate nu dxuzájla'a ca naca xrtizru', dxusaní na.Dxun na dxeléajni'i benne' dxexruj lazre' ca'.

¹³¹Guxá dxu'a, ne gucá'a lazra'lawe' da dxezá lazra' gúnbe'a da bdxixruj be'u.

¹³²Gunná' neda', ne bexache lazre' neda',ca tu dxúnzquezu' chee̱ benne' ca' zaj nazrí'ine̱' Lue'.

¹³³Be̱n tu gúnzqueza' ca dxenná xrtizru',ne quebe gu'u lataj da zrinnaj nna be'e na neda'.

¹³⁴Bselá neda' lu na' benne' xichaj zra'a ca',na' tu gúnzqueza' ca dxenná da bdxixruj be'u.

¹³⁵Be̱n gaca chawe' chia' neda', we̱n zrin chiu',ne bse̱de neda' guna' ca zaj naca xrba chiu' ca'.

¹³⁶Nisa gudxezra' guca na ca tu xe̱gu nisalawe' da quebe dxelún bénneache ca bdxixruj be'u. Da li naca da dxenná Xránadxu

¹³⁷Xrana' Dios, xrlátaje nacu' Lue',ne li lazre' naca ca dxuchi'u chee̱ntu'.

¹³⁸Da dxuse̱de dizra' chiu' netu', da na' bzu' lu na'ntu',naca na da li, ne da li lazre'.

¹³⁹Dxedú lazra' lawe' da dxé'le̱'a gunne xuelawe' da gulal-la lazre' benne' ca' dxeledábague̱' neda' ca zaj naca xrtizru'.

¹⁴⁰Du lázrele̱'e̱ naca xrtizru',na' nazrí'ida' neda' na, naca' we̱n zrin chiu'.

¹⁴¹Dxexruj lazre' naca', na' dxuluzúe̱' neda' chalá'ala,na' quebe ne gal-la lazra' da bdxixruj be'u.

¹⁴²Tu chí'izqueze zua da dxuchi'u chee̱ntu',na' da li naca da bdxixruj be'u.

¹⁴³Da dxezaca zi'a, ne da ste̱be zua' zaj nuchuchuj na neda',san dxezaca ba lázrele̱na' da bdxixruj be'u.

¹⁴⁴Tu chí'izqueze naca li lazre' da dxuse̱de dizra' chiu'.Bzéajni'i neda', na' gaca bana'. Dxal-la' gulaba lázredxu da gunná Dios

¹⁴⁵Dute̱ lázrdawa' dxuláwizra' Lue', Xrana' Dios.Be̱n gaca chawe' chia', na' tu gúnzqueza' ca dxenná xrba chiu'.

¹⁴⁶Dxuláwizra' Lue'.Bselá neda', na' tu gúnzqueza' ca dxuse̱de dizra' chiu' netu'.

¹⁴⁷Bálala dxasa', na' dxuláwizra' Lue'.Dxebeza lazra' gaca ca dxenná xrtizru'.

¹⁴⁸Dxenná'aza' bedú xe̱la,chee̱ gulaba lazra' da bdxixruj be'u.

¹⁴⁹Dute̱ xel-la' dxexache lazre' chiu' bene chi'a.Xrana' Dios, da bchi'u chee̱ntu' btipa lazra'.

¹⁵⁰Benne' dxeláu zi' xuzre̱' neda' ba zaj zre̱'e̱ xelune̱' chia' da cale̱la.Zaj nusane̱' da dxenná da bdxixruj be'u.

¹⁵¹Xrana' Dios, zu' Lue' gagu naga zua',ne da li zaj naca xúgute̱ da bdxixruj be'u.

¹⁵²Gate nate ba núnbe'a da dxuse̱de dizra' chiu' netu',da na' nuzú' chee̱ntu' tu chí'izqueze. Da gunná Dios dxuzéajni'i dxi'u

¹⁵³Gunná' xque ca dxezaca zi'a, ne bselá neda'lawe' da quebe ne gal-la lazra' da dxenná da bdxixruj be'u.

¹⁵⁴Beche̱be waláz chia', ne bexa'u neda'.Btipa lazra' nen xrtizru'.

¹⁵⁵Sté̱bele̱'e̱ naca xelelá benne' ca' dxelebéaj xíchaje̱' Lue', Dios,lawe' da quebe dxelebé'e̱ gunne xue xelune̱' ca naca xrba chiu'.

¹⁵⁶Xrana' Dios, dxexache lázrele̱'u bénneache chiu'.Btipa lazra' cáte̱ze dxenná xrtizru' gunu'.

¹⁵⁷Zánete̱ zaj naca benne' ca' zaj nau zi' xuzre̱' neda', ne benne' ca' dxeledábague̱' neda',san quebe ne gusana' dxuna' ca dxuse̱de dizra' chiu' netu'.

¹⁵⁸Ble'eda' benne' ca' dxelún lazre̱', na' dxegúteda' benne' ca'lawe' da quebe dxelune̱' ca dxenná xrtizru'.

¹⁵⁹Gunná'xque, Xran, ca nazrí'ida' da bdxixruj be'u.Dute̱ xel-la' dxexache lazre' chiu', btipa lazra'.

¹⁶⁰Da líqueze zaj naca xúgute̱ xrtizru',ne tu chí'izqueze zaj naca da dxuchi'u chee̱ntu' lu da xrlátaje chiu'. Da gunná Dios dxutipa lázredxu

¹⁶¹Benne' ca' dxelenná be'e̱ dxeláu zi' xuzre̱' neda' na' quebe bi nuna' chee̱'.Dute̱ lázrdawa' dxezreba' ca zaj naca xrtizru'.

¹⁶²Dxebéle̱'e̱da' lu da dxenná xrtizru'ca dxebé bénnea' dxezrél-lene̱' tu xel-la' gunní'a zrente̱.

¹⁶³Dxecuídeda', ne dxegúteda' da we̱n lazre'.Nazrí'ida' da dxenná da bdxixruj be'u.

¹⁶⁴Gazre lasa tu zra dxue lá'ana' Lue'lawe' da xrlátaje naca ca dxuchi'u chee̱ntu'.

¹⁶⁵Dxelebeza zri lázrele̱'e̱ benne' ca' zaj nazrí'ine̱' da bdxixruj be'u,na' quebe bi de̱ da gun na cheajlecházie̱'.

¹⁶⁶Xrana' Dios, dxebeza' Lue' xidu' guseláu' neda',ne tu dxúnzqueza' ca naca da bdxixruj be'u.

¹⁶⁷Dute̱ lázrdawa' tu dxúnzqueza' da dxuse̱de dizra' chiu' netu',ne nazrí'ile̱'e̱da' ca naca na.

¹⁶⁸Tu dxúnzqueza' ca naca da bdxixruj be'u, ne ca dxuse̱de dizra' chiu' netu'lawe' da dxelé'equeznu' xúgute̱ da dxuna'. Dxebéle̱'e̱le̱dxu xrtizra' Dios

¹⁶⁹Xrana' Dios, bene da dxuláwizra' Lue'.Bzéajni'i neda' ca dxenná xrtizru' gunu'.

¹⁷⁰Bene da dxenaba' lau Lue'.Bselá neda' ca dxenná xrtizru' gunu'.

¹⁷¹Tu güe lá'anazqueza' Lue', Xran,gate ba nusé̱denu' neda' guna' ca naca xrba chiu'.

¹⁷²Tu guchálajzqueza' ca naca xrtizru'lawe' da xrlátaje naca ca dxenná be'enu' netu'.

¹⁷³Guzúate̱queze gácale̱nu' neda'lawe' da dxuna' ba xuzre guna' ca bdxixruj be'u.

¹⁷⁴Dxezá lazra' guseláu' neda', Xrana' Dios.Dxezaca ba lázrele̱na' da bdxixruj be'u.

¹⁷⁵Be̱n gaca bana', na' güe lá'ana' Lue',na' da dxuchi'u chia' xelácale̱ na neda'.

¹⁷⁶Gudéa' chalá'ala ca dxedá tu zrila' naníteba'.Bexilaj neda', we̱n zrin chiu', lawe' da quebe ne gal-la lazra' da bdxixruj be'u.