Read Tabaa Zapotec Salmos 124 Bible Online

Salmos 124 - Tabaa Zapotec bible

Salmos 124

¹Chela ca gúcale̱ Xránadxu Dios dxi'u.Caní dxal-la' xelenná benne' Israel ca' na'a.

²Chela ca gúcale̱ Xránadxu Dios dxi'ugate guledíl-lale̱ benne' ca' dxi'u,

³na' buluzría xi'te̱' dxi'ulu dute̱ xel-la' dxelezrá'a zrente̱ chee̱',

⁴ne guca chee̱dxu ca dxaca chee̱ benne'dxugacu nísadau' le̱', da na' gute na le̱'.

⁵Chela guca caní chee̱dxu, na' bé̱tete̱ da na' dxi'u.

⁶Dxal-la' xe̱dxu Xránadxu Dios; Xcalenu',lawe' da quebe be̱'e̱ lataj benne' ca' xuluzría xi'e̱ dxi'u.

⁷Beladxu ca dxelá tu bxinne lu xixruj chee̱ benne' wezén bxinne.Bzria xi' Xránadxu xel-la' dxenná bea chee̱ benne' ca', na' beladxu.

⁸Naca Xránadxu Dios Bénnea' dxácale̱ne̱' dxi'u,Bénnea' bé̱nqueze̱' xabáa, ne xe̱zr la xu.