Read Tabaa Zapotec Salmos 128 Bible Online

Salmos 128 - Tabaa Zapotec bible

Salmos 128

¹Ba neza zrente̱ naca na chee̱ benne' ca' dxelezrebe̱' Xránadxu Dios,benne' ca' tu dxelúnzqueze̱' ca nadxixruj be'e Dios.

²Gate dxagu' da dxezi'u chee̱ zrin da nunu'gaca chiu' tu da ba neza, ne gaca chawe' chiu'.

³Gaca zru'ulu' ca tu lba uva da dxebía da zixre cuita xu'u lizru',na' zri'inu' ca' xelácabe' ca xaga olivo ca' zaj ze̱ dxu'a ga dxagu'.

⁴Caní gun Xránadxu gaca chawe' chee̱ bénnea' dxezrebe̱' Le̱'.

⁵Dxenaba' gun Xránadxu, zue̱' xi'a Sión, gaca chawe' chiu',chee̱ le'enu' gaca chawe' chee̱ xe̱zre Jerusalén xúgute̱ zra naca banu',

⁶ne chee̱ le'enu' zri'ine zre su'.Dxenaba' gata' xel-la' dxebeza zri lazre' chee̱ benne' Israel ca'.