Read Tabaa Zapotec Salmos 129 Bible Online

Salmos 129 - Tabaa Zapotec bible

Salmos 129

¹Zúadxu lu da sté̱bele̱'e̱ gate nácate̱dxu cuide',waca xelenná benne' Israel ca'.

²Zúadxu lu da sté̱bele̱'e̱ gate nácate̱dxu cuide'san quebe buluzria xi'e̱ dxi'u.

³Belune̱' we̱' cúzrudxu gate beline̱' dxi'u xide,na' gulaca cúzrudxu ca xe̱zr la xu naga dxedé xia chee̱ be̱zre.

⁴Xlátaje̱ naca Xránadxu Dios.Bselé̱' dxi'u lu na' benne' ca' buluchínene̱' dxi'u xadíaze.

⁵Be̱n cheajlechaze, ne xelebígaquezexúgute̱ benne' ca' dxelecuídene̱' benne' Sión ca'.

⁶Be̱n xelaque̱' ca xíxre'du ca' dxelebía na xrgu'uda dxelebizre na gate ne zaj nadxé'ene na,

⁷da na' quebe nu benne' dxexequé̱'e̱ na,ne quebe seque' nu benne' gune̱' na tu cheaj weaj.

⁸Quebe xelenná benne' dxeledée̱' naga zaj zria na:Dxenábantu' gun Xránantu' Dios gaca chawe' chee̱le.Lu La Xránantu' Dios dxenábantu' gaca chawe' chee̱le.