Read Tabaa Zapotec Salmos 132 Bible Online

Salmos 132 - Tabaa Zapotec bible

Salmos 132

¹Bsa lazre', Xrana' Dios, ca guca chee̱ David, ne ca guzaca zi'e̱,

²ne ca da guche̱be lazre̱' gune̱' chiu',da guche̱be lazre̱' lau', Dios wal-la chee̱ Jacob.

³Guné̱': “Québequeze chu'a xu'u lizra',ne québequeze gáta'a ga dxasia'

⁴ne québequeze guchúdia' xiaj lawa'ne québequeze gasia'

⁵ca zrindxa zra ba be̱na' tu xu'u lizre Xrana' Diosnaga súaqueze Dios wal-la chee̱ Jacob.”

⁶Bénedxu zua xí'ina lá'azxa naga xu'u xel-la' wezría lu xe̱zr la xu Efrata,na' bezréledxu na lu xe̱zr la xu chee̱ bénnea' le̱' Jaar.

⁷Gunnantu': Chéajntu' naga zua Dios chee̱ntu'.Guzú zríbentu' zran ni'a Le̱'.

⁸Guxasa, Xránantu' Dios, nen xí'ina naga xu'u xel-la' wezría chiu',ne gudá lu xi'a naga súaquezu' Lue'.

⁹Be̱n xelún bxruze chiu' ca' da naca xrlátaje,ne xelebezre xa'a xúgute̱ bénneache chiu', lu dute̱ xel-la' dxelebé chee̱'.

¹⁰Lawe' da nazrí'inu' David, we̱n zrin chiu',quebe guzú' chalá'ala wenná bea na' ba guca'u Lue'.

¹¹Da líqueze bzetaj cuina Xránadxu Dios,guche̱be lazre̱' chee̱ David quebe gucuase̱' ca da gunné̱'.Gunné̱': “Guna' xelenná bea zri'ine zre su' naga dxenná béaquezu' Lue'.

¹²Che zri'inu' ca' tu xelúnzqueze̱' ca naca xel-la' wezría chia',ne ca naca xrtizra' da gusé̱deda' le̱',zri'inu' ca' tu xelenná béazqueze̱' naga dxenná be'u lue'.”

¹³Lawe' da gucá'a Xránadxu Dios xe̱zre Sión,guca lazre̱' sua xu'u lízrequeze̱' ga na'.

¹⁴Gunné̱': “Tu gácazqueze lataj nigá naga súaqueza' neda'.Tu súazqueza' nigá lawe' da caní dxezaca ba lazra' guna'.

¹⁵Guna' gáta'le̱'e̱ lina chee̱ benne' ca',ne guna' xelelaj benne' xache' ca' xeta.

¹⁶Guna' xelún bxruze chia' ca' da naca chawe',na' xelebezre xa'a xúgute̱ bénneache chia' lu dute̱ xel-la' dxelebé chee̱'.

¹⁷Lataj na' guna' xexaca xel-la' dxenná bea chee̱ David.Guna' xelezúa na' zri'ine zre sua wenná bea na' ba gucá'a neda'.

¹⁸Guna' xeleque zréaje benne' guledábague̱' Le̱',na' guna' chepe ban xel-la' dxenná bea chee̱ David na'.”