Read Tabaa Zapotec Salmos 136 Bible Online

Salmos 136 - Tabaa Zapotec bible

Salmos 136

¹¡Le güe lá'ana Xránadxu Dios, Benne' xrlátaje!¡Chadía chacanna dxexache lazre̱' dxi'u!

²¡Le güe lá'ana Dios, naque̱' szrénte̱dxa ca zaj naca dios chee̱ xe̱zr la xu ca'!¡Chadía chacanna dxexache lazre̱' dxi'u!

³¡Le güe lá'ana Xránadxu, naque̱' szrénte̱dxa ca zaj naca xrana xe̱zr la xu ca'!¡Chadía chacanna dxexache lazre̱' dxi'u!

⁴¡Le güe lá'ana Dios na', dxune̱' xel-la' waca zri'a ca'!¡Chadía chacanna dxexache lazre̱' dxi'u!

⁵¡Le güe lá'ana Dios na', be̱ne̱' xabáa dute̱ xel-la' sina chee̱'!¡Chadía chacanna dxexache lazre̱' dxi'u!

⁶¡Le güe lá'ana Dios na', bzue̱' xe̱zr la xu lawe' nísadau'!¡Chadía chacanna dxexache lazre̱' dxi'u!

⁷¡Le güe lá'ana Dios na', be̱ne̱' gubizra ne beu'!¡Chadía chacanna dxexache lazre̱' dxi'u!

⁸¡Be̱ne̱' gubizra chee̱ gusení na te zra!¡Chadía chacanna dxexache lazre̱' dxi'u!

⁹¡Be̱ne̱' beu' ne belaj ca' chee̱ xulusení na chizrela!¡Chadía chacanna dxexache lazre̱' dxi'u!

¹⁰¡Le güe lá'ana Dios na', be̱tie̱' bi biu nedxu chee̱ benne' Egipto ca'!¡Chadía chacanna dxexache lazre̱' dxi'u!

¹¹¡Le güe lá'ana Dios na', bebéaje̱' benne' Israel ca' lu xe̱zr la xu Egipto na'!¡Chadía chacanna dxexache lazre̱' dxi'u!

¹²¡Beche̱'e̱ le̱' dute̱ xel-la' waca zren chee̱'!¡Chadía chacanna dxexache lazre̱' dxi'u!

¹³¡Le güe lá'ana Dios na', be̱ne̱' chupa la'a nísadau' da nazí le̱ na Xrna!¡Chadía chacanna dxexache lazre̱' dxi'u!

¹⁴¡Bdee̱' benne' Israel ca' laduj nísadau' na'!¡Chadía chacanna dxexache lazre̱' dxi'u!

¹⁵¡Bgacue̱' nísadau' na' Faraón, benne' wenná bea chee̱ Egipto, ne benne' zeje̱' wedil-la chee̱' ca'!¡Chadía chacanna dxexache lazre̱' dxi'u!

¹⁶¡Le güe lá'ana Dios na', beche̱'e̱ benne' chee̱' ca' le̱'e̱ xixre' lawe' lataj!¡Chadía chacanna dxexache lazre̱' dxi'u!

¹⁷¡Le güe lá'ana Dios na', be̱tie̱' wenná bea blau ca'!¡Chadía chacanna dxexache lazre̱' dxi'u!

¹⁸¡Be̱tie̱' wenná bea wal-la ca'!¡Chadía chacanna dxexache lazre̱' dxi'u!

¹⁹¡Be̱tie̱' Sehón, wenná bea chee̱ benne' amorreo ca'!¡Chadía chacanna dxexache lazre̱' dxi'u!

²⁰¡Be̱tie̱' Og, wenná bea chee̱ xe̱zr la xu Basán!¡Chadía chacanna dxexache lazre̱' dxi'u!

²¹¡Bnézruje̱' xe̱zr la xu chee̱ benne' ca' chee̱ gaca na chee̱ benne' chee̱' ca'!¡Chadía chacanna dxexache lazre̱' dxi'u!

²²¡Be̱nne̱' na chee̱ benne' Israel ca', benne' we̱n zrin chee̱' ca'!¡Chadía chacanna dxexache lazre̱' dxi'u!

²³¡Naque̱' Dios na', quebe gul-la lazre̱' dxi'u gate buluzetja benne' ca' dxi'u!¡Chadía chacanna dxexache lazre̱' dxi'u!

²⁴¡Le̱' bselé̱' dxi'u lu na' benne' ca' guledíl-lale̱ne̱' dxi'u!¡Chadía chacanna dxexache lazre̱' dxi'u!

²⁵¡Naque̱' Dios na', dxugawe̱' xúgute̱ da zaj naca ban!¡Chadía chacanna dxexache lazre̱' dxi'u!

²⁶¡Le güe lá'ana Dios chee̱ xabáa!¡Chadía chacanna dxexache lazre̱' dxi'u!