Read Tabaa Zapotec Salmos 137 Bible Online

Salmos 137 - Tabaa Zapotec bible

Salmos 137

¹Dxu'a xe̱gu chee̱ xe̱zr la xu Babilonia gudxé'edxu,ne gudxézredxu gate xeajsá lázredxu chee̱ xe̱zre Sión.

²Lu zruze xaga labada' dxu'a xe̱gu na'buqué̱ladxu da cun zríadi'i na du chee̱dxu ca'.

³Benne' ca' guleché̱'e̱ dxi'u ca benne' zaj nada'u gulenábene̱' dxi'u gúl-ladxu.Benne' ca' buluzría xi' xe̱zre chee̱dxu gulé̱'e̱ dxi'u súadxu lu xel-la' dxebé, gulenné̱':Le gul-la chee̱ntu' da ca' bíl-lale lu xe̱zre Sión.

⁴¿Ájazra gúl-ladxu da güe lá'anadxu Xránadxu Diosnaga zúantu' lu xe̱zr la xu chee̱ benne' zitu' ca'?

⁵Chela gal-la lazra' lue', xe̱zre Jerusalén,gun Dios gunite na'a xabe̱la xel-la' waca chee̱ na.

⁶Be̱n xedá' luzra' chíchajla' che quebe cheajsá lazra' chiu',ne che quebe gucá'ana szrena' lue', Jerusalén,nacu' da dxezaca ba lázrele̱da'.

⁷Xrana' Dios, bsa lazre' da cale̱la da belún benne' Edomlu zra na' guzría xi' xe̱zre Jerusalén,gate na' gulenné̱': “Le guchinnaj na. Le guchinnaj na,ca zrinte̱ lu lane chee̱ na.”

⁸Le'e, benne' Babilonia, cuía xile.Ba neza zrente̱ gaca na chee̱ bénnea' gune̱' chee̱leca da be̱nle le'e chee̱ntu' netu'.

⁹Ba neza zrente̱ gaca na chee̱ bénnea' que̱'e̱ bidu chee̱le ca',ne quine̱'-be' lu xiaj xre na'.