Read Tabaa Zapotec Salmos 139 Bible Online

Salmos 139 - Tabaa Zapotec bible

Salmos 139

¹Xrana' Dios, ba gunná' xánniu' neda'ne núnbea xánniu' neda'.

²Nézqueznu' gate dxe'a, ne gate dxasa'.Zítu'la nézqueznu' da zaj xu'u xichaj lázrdawa'.

³Ba gunná' xánniu' ca dxuna', ne ca dxexezí' lazra'.Nézqueznu' xúgute̱ da dxuna'.

⁴Gate quebe ne guchálaja' ba nézqueznu' Lue', Xran, xúgute̱ da nnia'.

⁵Gátete̱zla cuita' neda' zúaquezu' Lue', Xran, ne nuzé̱ na'u neda'.

⁶Ca szrente̱ naca da nézenu' Lue' naca na da dxebáneda'.Nácale̱'e̱ na sina da quebe gaca chéajni'ida'.

⁷¿Gala cha'a zitu' naga quebe zúaqueze Be' chiu'?¿Gala guzrúnnuja' naga quebe zúaquezu' Lue'?

⁸Che cuena' sibe zran xabáa, na' zúaquezu' Lue',ne che xétaja' lu da situj chee̱ xe̱zr la xu, na' zu' Lue'.

⁹La séqueda' tea' lu be', ne cha'a zitu' naga dxalaj gubizra,u tea' xechalá'a nísadau' naga dxebía gubizra,

¹⁰cá'anqueze na' súale̱nu' neda',ne guxru na'u xabe̱la neda'.

¹¹Chela gaca guna' gacu da chul-la neda',u guna' xexaca lení' da naxechaj neda', chee̱ xaca na da chul-la,

¹²da chul-la na' quebe gaca gucache na neda' lau Lue',na' chizrela xaca na ca te zra lau'.Túzqueze ca zaj naca da chul-la, ne xel-la' naxaní' lau Lue'.

¹³Lue' be̱nu' da zaj xu'u lu be̱la' dxen chia'.Lue' bzalju' neda' lu le̱'e̱ xrna'a.

¹⁴Güe lá'anaqueza' Lue' lawe' da szrente̱ zaj naca da dxunu',ne dxebáneda' ca zaj naca na.Dute̱ lázrdawa' nézquezda' caní naca na.

¹⁵Blé'equeznu' neda' gate gulá' gubinna zrita xu'a,gate na' belezraga na lu le̱'e̱ xrna'a,gate na' bgula' lu da bagácheze na'.

¹⁶Ble'enu' be̱la' dxen chia' gate gulá' gubinna na.Xúgute̱ da caní ba naxúaj na lu xiche chiu',na' ca gudé na' gulá' gubinna na,na' xúgute̱ na gulaca na cáte̱ze zaj naxúaj na.

¹⁷Dios, szrente̱ zaj naca da dxuwía lazru' gunu'.Da zante̱ ca zaj naca na.

¹⁸Chela gaca lazra' gulaba' ca zaj naca na,zaj naca na ca xuzre' dxe' dxu'a tu xe̱gu zren.Gate dxexebana', ne zúale̱queza' Lue'.

¹⁹Dios, da líqueze gutiu' benne' ca' dxelune̱' da cale̱la.Chee̱ le̱ na', le gucuasa naga zua', le'e, we̱te benne'.

²⁰Chiu' Lue', Dios, dxelenné̱' dizra' schanni'.Benne' ca' dxeledábague̱' lue' dxuluzétaje̱' Lau' lu da xálaze.

²¹Xrana' Dios, dxecuídeda' benne' ca' dxuluzúe̱' Lue' chalá'ala,ne dxezrá'li'a benne' ca' dxeledábague̱' Lue'.

²²Dute̱ lázrdawa' dxecuídeda' benne' ca'.Dxéqueda' benne' ca' ca benne' ca' dxeledábague̱' nédaqueza'.

²³Gunná' xanne' neda', Dios, ne gunná' da xu'u na lázrdawa'.Bxue neda' chee̱ nézenu' da xu'u lu xichaj lázrdawa'.

²⁴Gunná' che zúale̱ tu da cale̱la neda',na' bsi neda' lu neza chawe' chiu' da zeajlí canna.