Read Tabaa Zapotec Salmos 14 Bible Online

Salmos 14 - Tabaa Zapotec bible

Salmos 14

¹Benne' lázxdau zide' dxezá' lazre̱', dxenné̱': “Quebe zua Dios.”Benne' caní zaj nazrinnaj xichaj lázrdawe̱'.Dxelune̱' da sban ca'.Quebe nu chilá' benne' dxune̱' da xrlátaje.

²Xránadxu Dios zue̱' xabáa dxenné̱'e̱ bénneachechee̱ lé'ene̱' che zua nu benne' dxéajni'ine̱', bénnea' dxape̱' ba lá'ana Dios.

³Xúgute̱' zaj xu'e̱ neza xuca'.Xúgute̱' zaj nazrinnaj xichaj lázrdawe̱'.Quebe nu chilá' benne' dxune̱' da xrlátaje, netúgue̱'.

⁴¿Quebe dxeléajni'i benne' ca' dxelune̱' da sban?Dxulusunítie̱' bénneache chia' ca dxuzuzruj tu benne' xeta da dxawe̱',ne quebe dxeléquebe'ene̱' zua Xrane̱' Dios.

⁵Dute̱ xel-la' dxelezrebe dxelezrize benne' ca'lawe' da dxácale̱ Dios benne' xrlátaje ca'.

⁶Belún le̱' chee̱ da gulenná benne' xache' ca',san benne' caní xelebeza lazre̱' Xránadxu Dios.

⁷Xídatega Bénnea' guselé̱' benne' Israel ca'.Gate gun Xránadxu xelexezrín benne' chee̱' ca', benne' ca' zaj nada'u zítu'la,na' welebé zri'ine zre sua Jacob,ne welebéle̱'e̱quezne̱' benne' Israel ca'.