Read Tabaa Zapotec Salmos 141 Bible Online

Salmos 141 - Tabaa Zapotec bible

Salmos 141

¹Xrana' Dios, dxuláwizra' Lue'.Gudázega gácale̱nu' neda'.Bene chi'a gate nnia' Lue'.

²Be̱n la' da dxenaba' lau Lue' ca zren xala.Ble'e na'a da dxechisa' lau' ca tu béadau' dxútia'-ba' lau'.

³Xrana' Dios, bxue dxu'a nigá,ne bxue xide dxu'a chee̱ quebe nnia' tu da cale̱la.

⁴Quebe gu'u lataj gaca lazra' guna' tu da cale̱la,ne chee̱ quebe guna' tu da cale̱la tu zren nen benne' ca' dxelune̱' da zrinnaj,ne chee̱ quebe gágule̱na' benne' ca' dxelune̱' da cale̱la lu laní chee̱'.

⁵Che gudé benne' xrlátaje neda' lu da ba xa', gaca na chia' tu da chawe',na' che til-le̱' neda', gaca na chia' ca tu da dxelále̱'e̱ zixre da dxegu'e̱ xíchaja'.Tu nábazqueza' Dios guzague̱' da cale̱la da dxelún benne' ca' dxelune̱' da cale̱la.

⁶Gate xeledxú'une̱' benne' xíchaje̱ ca' chee̱ benne' we̱n da cale̱la ca' zran xi'a xiaj ca',na' xeleque be'e bénneache naca li ca da gunnía'.

⁷Xelase dinnaj zrita chee̱ benne' ca' dxu'a xe̱dxu ba chee̱' ca'.Xelaca na ca bchecu xu, da dxelase dinnaj na naga dxa'ana be̱zre.

⁸Chee̱ le̱ na' dxenná'a naga zu' Lue', Xrana' Dios.Dxuxrén lazra' Lue', quebe gusán lazru' neda'.

⁹Bxue neda' chee̱ quebe xele̱l-la xralaj ca' chee̱ benne' ca' dxelune̱' da cale̱la neda',ne chee̱ quebe cheajcházia' lu da zaj nabeque' benne' we̱n da cale̱la ca'.

¹⁰Be̱n cheajlechaze benne' ca' dxelune̱' da cale̱la lu xralaj da zaj nabéchequeze̱'dxácate̱ na' tea' neda' ga na' zri'a chawe'.