Read Tabaa Zapotec Salmos 142 Bible Online

Salmos 142 - Tabaa Zapotec bible

Salmos 142

¹Zizraj dxuláwizra' Xránadxu Dios.Du lazra' dxenaba' Xránadxu xexache lazre̱' neda'.

²Lau Le̱' dxawa' zría ca da dxaca chia'.Lau Le̱' dxulé'eda' ca da ste̱be zua' neda'.

³Gate zua lázrdawa' lu da ste̱be, Lue', Xran, nézenu' da dxaca chia'.La neza naga dxedá' gulebeque̱' xralaj da que̱l-la na neda'.

⁴Dxenná'a cuita' xabe̱la, san quebe nu chilá' gácale̱ neda'.Quebe nu chilá', benne' guxúequeze̱' neda'.Quebe nu chilá', benne' dxe' gunna xue̱' chia' neda'.

⁵Dxuláwizra' Lue', Xrana' Dios, dxennia':Dxebeza lazra' tuzu' Lue'.Tuzu' Lue' dxezá lazra' lu xe̱zr la xu nigá.

⁶Bene da dxuláwizra' Lue', lawe' da dxezaca zí'le̱'a.Bselá neda' lu na' benne' ca' dxeláu zi' xuzre̱' neda',lawe' da zaj naque̱' wál-ladxa ca neda'.

⁷Bebéaj neda' lu da dxaca chia', chee̱ gaca güe lá'ana' Lue'.Benne' xrlátaje ca' xeléchaje̱' neda' lawe' da gunu' gaca chawe' chia'.