Read Tabaa Zapotec Salmos 143 Bible Online

Salmos 143 - Tabaa Zapotec bible

Salmos 143

¹Xrana' Dios, bene da dxuchálaja' lau Lue'.Bze̱ naga da dxenaba' lau'.Gudá gácale̱nu' neda' lawe' da nacu' li lazre', ne xrlátaje.

²Quebe guchi'u chia' neda', we̱n zrin chiu', ca naca da nabaga',lawe' da lau' Lue' quebe nu chilá' benne' naque̱' du lazre'.

³Gúcale̱ neda' lawe' da dxeláu zi' xuzre' neda'.Xeláteze bache xelútie̱' neda'.Ba belune̱' naca' ca tu benne' dxedé' lu da chul-la ca naca chee̱ benne' gate ca'.

⁴Zua lázrdawa' lu da sté̱bele̱'e̱, ne dxewí'ine lázrele̱'a.

⁵Dxeajsá lazra' ca guca nédxudaute̱.Dxulaba lazra' ca naca xúgute̱ da be̱nu'.Dxeajsá lazra' ca naca da zrente̱ ca' da be̱nu'.

⁶Dxechisa na'a lau Lue'.Naca' ca tu xe̱zr la xu bizre, dxebíleda' Lué'queze.

⁷Gudázega gácale̱nu' neda', Xran, lawe' da dxedú lazra'.Quebe chenu' gácale̱nu' neda', chee̱ quebe gaca' ca tu benne' ba xu'e̱ xe̱dxu ba.

⁸Che zílala be̱n cheajsá lazra' dxexache lazru' bénneache chiu' ca'lawe' da dxuxrén lázrequeza' Lue'.Bzéajni'i neda' ca dxal-la' guna'lawe' da dxezá lazra' guna' da dxaca lazru' Lue'.

⁹Xrana' Dios, bselá neda' lu na' benne' ca' dxeledábague̱' neda'lawe' da dxuzúa cuina' lu na'u chee̱ guxúequezu' neda'.

¹⁰Bse̱de neda' chee̱ guna' da dxaca lazru' Lue', lawe' da nacu' Lue' Dios chia'.Gusel-la Be' xrlátaje chiu' chee̱ che̱'e̱ neda' la neza chawe' chiu'.

¹¹Chee̱ gaca bea na nacu' xrlátaje, Xran, gutipu' lazra'.Lawe' da nacu' xrlátaje, guseláu' neda' lu da dxaca chia'.

¹²Lawe' da nacu' li lazre', guzría xi'u benne' ca' dxeledábague̱' neda',ne guzría xi'u xúgute̱ benne' ca' dxelaca lazre̱' xuluzría xi'e̱ neda',lawe' da naca' neda' we̱n zrin chiu'.