Read Tabaa Zapotec Salmos 144 Bible Online

Salmos 144 - Tabaa Zapotec bible

Salmos 144

¹¡Gaca ba lá'azxa Xránadxu Dios,Bénnea' dxuzé̱ chache̱' neda'!Naque̱' Bénnea' dxuzázraje̱' na'a chee̱ cha'a lu wedil-la,ne dxuzázraje̱' zrube na'a chee̱ séqueda' tíl-lale̱na' benne' ca' dxelune̱' da cale̱la.

²Naque̱' Benne' dxexache lazre̱' neda',ne naque̱' ca tu xu'u naga ze̱ chawa'.Dxuzúa chache̱' neda', ne dxuselé̱' neda'.Dxucu'uje̱' neda', na' dxuxrén lazra' Le̱'.Dxune̱' dxuluzúa bénneache chia' dizra' chia'.

³Xrana' Dios, ¿ájazra naca nu benne', dxeajsá lazru' le̱'?¿Ájazra naca nu benne' dxe'u gunne xue chee̱'?

⁴Naca benne' ca tu da níteze.Zaj naca zra chee̱' ca tu zrul-la da dxedeze.

⁵Xrana' Dios, gusalaj zran xabáa, ne betaj gácale̱nu' neda'.Bta xi'a ca', na' dxuaj zren chee̱ xi'.

⁶Bzalaj xesa guziu', ne blaga benne' ca' dxelune̱' da cale̱la.Bzalaj xaga nalá xéche'ze chiu', ne bzria xi' le̱'.

⁷Naga zu' na'la, bze̱ na'u, ne bselá neda' lu da sté̱bele̱'e̱ zua'.Bselá neda' lu na' benne' zitu' ca',

⁸benne' ca' tu dxelenné̱zqueze̱' da we̱n lazre',ne dxuluzétaje̱' Dios gate dxelezí xe̱'e̱.

⁹Dios, gúl-laqueza' chiu' da cube, quínnia' da dxúl-lale̱na'.Nen tu da dxínnia' da nua chi du chee̱ na gúl-laqueza' chiu'.

¹⁰Nacu' Lue' Bénnea' dxune̱' dxeledxúaj chawe' benne' wenná bea ca'.Dxuseláu' David, we̱n zrin chiu', lu xia nalá chee̱ benne' we̱n da cale̱la ca'.

¹¹Bexa'u neda', ne bselá neda' lu na' benne' zitu' ca',benne' ca' tu dxelenné̱zqueze̱' da we̱n lazre',na' dxuluzétaje̱' Dios gate dxelezí xe̱'e̱.

¹²Be̱n xelegula bi biu chee̱ntu' ca tu xaga da dxegula chawe', ne zaj nácabe' bi cuide'.Be̱n xelaca bi nu'ula chee̱ntu' ca bdu'a xiaj xrtante̱ ca' da zaj nnita tu lu xu'u zren.

¹³Be̱n chate̱ lízrentu' xúgute̱ cuen lina chee̱ntu'.Be̱n xelánle̱'e̱ be̱ xixre' chee̱ntu', chee̱ xelácaba'gaxúa gaxúane be̱ xíxre'du ca' lu xe̱zr la xu chee̱ntu'.

¹⁴Be̱n xelaca be̱zre chee̱ntu' be̱ wal-la chee̱ xelunba' zrin.Be̱n quebe xelezanba' gate quebe ne zrin cha beu' chee̱ba' ca'.Be̱n quebe nu cha' cuezre xache' la neza chee̱ntu'.

¹⁵Ba neza zrente̱ naca na chee̱ bénneache ca' dxaca caní chee̱'.Ba neza zrente̱ naca na chee̱ bénneache ca' naca Xránadxu Dios chee̱'.