Read Tabaa Zapotec Salmos 146 Bible Online

Salmos 146 - Tabaa Zapotec bible

Salmos 146

¹¡Gaca ba lá'azxa Xránadxu Dios!¡Du lazra' güe lá'ana' Xránadxu Dios!

²¡Dxácate̱ naca bana' güe lá'ana' Xránadxu Dios!¡Tu gúl-lazqueza' da güe lá'ana' Xránadxu Dios dxácate̱ naca bana'!

³Quebe guxrén lázrele benne' dxelenná bea,ne quegá bénneache lawe' da quebe xelezéquene̱' xuluselé̱' le'e.

⁴Dxeledxúaj be' zaj xu'e̱, na' xelexexaque̱' xu xrte.Lu zra ná'queze xelenite da dxuluwía lazre̱' xelune̱'.

⁵Ba neza zrente̱ naca na chee̱ bénnea', dxácale̱ Dios chee̱ Jacob le̱',bénnea' dxebeza lazre̱' Xránadxu Dios.

⁶Dios na' be̱ne̱' xabáa, ne xe̱zr la xu, ne nísadau',ne xúgute̱ da zaj zra' lataj ca'.Naque̱' Bénnea' tu dxúnzqueze̱' da li lazre'.

⁷Dxuchi'e̱ chee̱ benne' baxache' ca',ne dxugawe̱' benne' ca' dxeledune̱'.Xránadxu Dios dxuselé̱' benne' ca' zaj nada'u lu na' benne̱' ca'.

⁸Xránadxu Dios dxexune̱' xiaj lau benne' la chul-la ca'.Xránadxu Dios dxechise̱' benne' ca' dxeajlecházie̱'.Xránadxu Dios nazrí'ine̱' benne' xrlátaje ca'.

⁹Xránadxu Dios dxuxúe̱' benne' zitu' ca'.Nuxre̱' bidau' we̱ze̱be ca', ne nu'ula tuze ca',na' dxuchínnaje̱' da dxelún benne' ca' dxelune̱' da cale̱la.

¹⁰Tu nna béazqueze Xránadxu Dios.Le'e, benne' xe̱zre Sión, nna be'e Dios chee̱le ne xúgute̱ cuen zri'ine zre súale. ¡Gaca ba lá'azxa Xránadxu Dios!