Read Tabaa Zapotec Salmos 147 Bible Online

Salmos 147 - Tabaa Zapotec bible

Salmos 147

¹¡Le güe lá'ana Xránadxu Dios lawe' da naca chawe'gúl-ladxu da güe lá'anadxu Dios chee̱dxu,lawe' da xrtante̱ naca güe lá'anadxu Le̱'!

²Xránadxu Dios xexune̱' xe̱zre Jerusalén.Xequé̱'e̱ benne' Israel ca' zaj zue̱' xe̱zr la xu zitu' ca'.

³Dxexune̱' benne' ca' dxelexewí'ine lázrele̱'e̱,ne dxudé̱'e̱ ladxe' naga zaj naca we̱' chee̱ benne' ca'.

⁴¡Nézquezne̱' ca zaj naxán belaj ca'!¡Tu tu belaj ca' dxu'e̱ la na!

⁵¡Szrente̱ naca Xránadxu Dios, ne nape̱' dute̱ xel-la' waca!¡Quebe bi de̱ da quebe dxéajni'ine̱'!

⁶Xránadxu Dios dxácale̱ne̱' benne' dxexruj lazre' ca',na' dxuzéxruje̱' benne' ca' dxelune̱' da cale̱la.

⁷¡Le gul-la da güe lá'anale Xránadxu Dios!¡Le gul-la, ne le quinne da cun zríadi'i na du lau Dios chee̱dxu!

⁸¡Le̱' dxudé̱'e̱ beuj ca' zran xabáa!¡Le̱' dxesel-le̱' nisa xiuj lu xe̱zr la xu!¡Le̱' dxune̱' dxelezría xíxre'du ca' lu xi'a ca'!

⁹¡Le̱' dxunézruje̱' da dxelagu be̱ xixre' ca'!¡Dxunézruje̱' da dxelagu béchajdu ca', be̱ dxelebezre xa'aba'!

¹⁰Da dxezaca ba lázrele̱ne̱' quebe naca na xel-la' wal-la chee̱ bzrina' ca',ne quegá xel-la' wal-la chee̱ bénneache.

¹¹Dxezaca ba lázrele̱ne̱' benne' ca' dxelezrebe̱' Le̱',ne benne' ca' dxelebeza lazre̱' Le̱' chee̱ xexache lazre̱' le̱'.

¹²¡Le güe lá'ana Xránadxu Dios, le'e zrale xe̱zre Jerusalén!¡Le güe lá'ana Dios chee̱le, le'e zrale xe̱zre Sión!

¹³¡Le̱' dxuzúa chúchue̱' dxa xu'u chee̱ xe̱zre chee̱le!¡Dxune̱' dxaca chawe' chee̱ benne' ca' zaj zre̱'e̱ xe̱zre chee̱le!

¹⁴¡Dxebeque̱' xel-la' dxebeza zri lazre' lu xe̱zr la xu chee̱le!¡Gúnnale̱'e̱ chee̱le zrua' chawe'!

¹⁵¡Dxusel-le̱' xrtizre̱' chee̱ benne' ca' zaj zre̱'e̱ dute̱ xe̱zr la xu,na' chadí dxaca ca da dxenné̱'!

¹⁶¡Dxugacue̱' xe̱zr la xu bezxe' da naca na ca zrila'!¡Dxuzéxruje̱' xrle̱'e̱la dxe̱la ca de!

¹⁷¡Dxune̱' dxelexruj xiaj bezxe' ca weaj xíajdu ca'!¿Nu benne' gaca guchaga lawe̱' da zaga chee̱ na?

¹⁸¡Dxenná be'e̱, na' dxexuna na!¡Dxune̱' dxaca be', na' dxexaca bezxe' na' nisa guba'u!

¹⁹¡Bzéajni'ine̱' Jacob ca naca xrtizre̱', ne bdee̱' xrba chee̱',ne da ca' gunná be'e̱ lu na' benne' Israel ca'!

²⁰Quebe ne gune̱' caní chee̱ xe̱zr la xu xezícadxa ca',na' benne' xe̱zr la xu ca' quebe dxelexúnbe'e̱ xrba chee̱'. ¡Gaca ba lá'azxa Xránadxu Dios!