Read Tabaa Zapotec Salmos 149 Bible Online

Salmos 149 - Tabaa Zapotec bible

Salmos 149

¹¡Le güe lá'ana Xránadxu Dios!¡Le gul-la chee̱ Xránadxu tu da cube!¡Le güe lá'ana Le̱' naga zaj nazraga bénneache chee̱'!

²¡Le be, le'e, benne' Israel, lau Bénnea' be̱ne̱' le'e!¡Le sua xel-la' dxebé, le'e, zrale Sion, lau Bénnea' naque̱' Wenná Bea chee̱le!

³¡Le güe lá'ana La Xránadxu, ne guxa'ale!¡Le guchunchu xide ca', ne le quinneda cun zríadi'i na du ca', dxue lá'anale Le̱'!

⁴¡Xránadxu Dios dxezaca ba lázrele̱ne̱' bénneache chee̱'!¡Dxape̱' ba lá'ana benne' dxexruj lazre' ca', ne dxuselé̱' le̱'!

⁵Dxal-la' xelebéqueze bénneache chee̱' lu da xabáa chee̱',ne xelúl-le̱' dute̱ xel-la' dxelebé du xe̱la.

⁶Dxal-la' xelebezre xe̱'e̱, xelúe lá'ane̱' Dios,zaj nu'e̱ xia da zaj nalá dxupa la'ate̱,

⁷chee̱ xelexebéaj lazre̱' benne' xe̱zr la xu ca',ne xuludée̱' xel-la' zi' benne' xe̱zre ca',

⁸ne xuluchéaje̱' benne' wenná bea chee̱' ca' du xia,ne benne' dxelenná be'e̱ nen du xia,

⁹ne xuluzría xi'e̱ benne' ca' ca ba nun Dios gaca chee̱'.Da nigá gaca na da xabáa chee̱ bénneache chee̱ Dios. ¡Le güe lá'ana Xránadxu!