Read Tabaa Zapotec Salmos 2 Bible Online

Salmos 2 - Tabaa Zapotec bible

Salmos 2

¹¿Bizr chee̱ na' dxeledábaga benne' xe̱zr la xu ca' neda'?¿Bizr chee̱ na' dxululaba lázrequeze bénneache da guzúa na neda' chalá'ala?

²Dxeledábagaqueze benne' wenná bea ca',ne dxelún tuze dizra' benne' ca' dxelenná bea ca xelune̱'chee̱ Xránadxu Dios, ne chee̱ Bénnea' gucá'a Le̱'.

³Dxelenné̱': “Guselá cuínadxu lu xel-la' dxenná bea chee̱',ne guzúadxu chalá'ala da zaj nadxixruj bé'ene̱' dxi'u.”

⁴Naga dxe' Xránadxu xabáa dxuzrizre̱'.Quebe dxezí' le̱ne̱' chee̱ da dxelegú'u lazré̱' xelune̱'.

⁵Lu xel-la' dxezrá'a chee̱' dxedil-le̱' le̱',ne lu xel-la' snia chee̱' dxuchebe̱' le̱'.

⁶Dxenné̱': “Lu xi'a lá'azxa chia', xi'a Siónba nuzúa' benne' gaque̱' Wenná Bea waláz chia' neda'.”

⁷Dxenná Wenná Bea na': “Guzenda' le'e da guzre Xránadxu neda'.”Guzre̱' neda': “Lue' nacu' Zri'ina'. Ná'aqueze naca' Xrau'.

⁸Gunabe neda', na' gunna' Lue' xúgute̱ cue' xe̱zr la xu ca',na' gaca chiu' dute̱ ca naca xe̱zr la xu.

⁹Guzízxenu' bénneache xe̱zr la xu ca' nen vara xia,ne ca tu dxe'e xu guzuzru' le̱'.”

¹⁰Na'a, le'e, wenná bea, le xene da nigá dxuzéajni'ida' le'e.Le guse̱de da nigá dxusízreda' le'e, benne' dxelenná bea lu xe̱zr la xu.

¹¹Le gun zrin chee̱ Xránadxu Dios, dute̱ xel-la' dxezrebe chee̱le.Nen xel-la' dxezrize chee̱le, le be lau Le̱'.

¹²Le gapa ba lá'ana Zrí'ine̱' chee̱ quebe zre̱'e̱,checa' cuía xile la neza chee̱le, lawe' da la zra'ate̱ Le̱'.Da ba neza zrente̱ naca na chee̱ xúgute̱ benne' dxuluxrén lazre̱' Le̱'.