Read Tabaa Zapotec Salmos 23 Bible Online

Salmos 23 - Tabaa Zapotec bible

Salmos 23

¹Xránadxu Dios dxuxúe̱' neda' ca tu benne' dxuxúe̱' zrila' chee̱'.Quebe bi dxexázrjeda'.

²Ca dxelezrúa zríla'du ca' ba guláguba' xixre' xá'adau',caní dxune̱' chia' chee̱ xezí' lazra'.Gune̱' chia' ca dxaca chee̱ zrila' ca' dxeché̱'e̱-ba' dxu'a xe̱gu nisa da de̱ zrize.

³Dxuxuzúa chúchue̱' neda' lu xichaj lázrdawa'.Dxusi'e̱ neda' lu da xrlátaje chee̱ gaca li da guche̱be lazre̱'.

⁴Láqueze tea' naga sua' lu da ste̱be chee̱ xel-la' gute,quebe bi da cale̱la guchebe na neda',lawe' da zúale̱nu' Lue' neda', Xran,na' dxelácale̱ zrise', ne blazru chiu' neda'.

⁵Dxucuezu' da xi'aj gawa' lácala benne' dxeledábague̱' neda' zaj naxechaj neda'.Dxugú'u da za xichja' da dxapa na neda' ba lá'ana,ne dxusezráteu' zriga' chia'.

⁶Da xrlátaje, ne xel-la' dxexache lazre' chiu'da lítegaze xelezúale̱ na neda' xúgute̱ zra naca bana',na' lizru', Dios, gaca na lizra' chadía chacanna.