Read Tabaa Zapotec Salmos 28 Bible Online

Salmos 28 - Tabaa Zapotec bible

Salmos 28

¹Xran, dxuláwizra' Lue'.Nacu' Benne' dxucú'uju' neda'.Bze̱ naga chi'a lawe' da che quebe xennu' neda'gaca' ca tu benne' dxu'e̱ lataj ba xa'.

²Ben chi'a dxuláwizra' Lue',ne dxechisa na'a lau' naga zu' lataj lá'azxa chiu'.

³Quebe guzría xi'u neda' tu zren nen benne' we̱n da cale̱la ca',ne cá'anqueze nen benne' ca' dxelune̱' da zrinnaj,benne' ca' dxelenné̱' dizra' cháwedau' lau le sa' ljwezre̱',san xu'u lázrdawe̱' da cale̱la gune̱' chee̱'.

⁴Bde benne' ca' lu da ba xa' cáte̱ze naca chee̱ da belune̱', cáte̱ze naca da cale̱la da zaj nune̱'.Bunezruj chee̱ benne' ca' cáte̱ze da belune̱', da na' dxal-la' xelezí'e̱.

⁵Lawe' da quebe gulape̱' ba lá'ana da be̱n Xránadxu,ne quegá da be̱ne̱' lu ni'a ná'queze̱',guxrínnaje̱' benne' ca', ne gudée̱' le̱' lu da ba xa'.

⁶¡Gaca ba Xránadxu Dios, Bénnea' benne̱' chi'a gate bláwizra' Le̱'!

⁷Xránadxu naque̱' Bénnea' dxuzé̱ chúchue̱' neda', ne dxucu'uje̱' neda'.Bxren lazra' Le̱', na' gúcale̱ne̱' neda',na' chee̱ le̱ na' gubéle̱'e̱da', na' gul-laqueza', ne güe lá'anaqueza' Le̱'.

⁸Xránadxu naque̱' Bénnea' dxuzé̱ chúchue̱' benne' chee̱' ca',ne naque̱' Benne' dxucu'uje̱', ne dxuselé̱' bénnea' guqué̱'e̱.

⁹Bselá benne' chiu' ca', ne be̱n gaca chawe' chee̱ da naca chee̱'.Bxue benne' ca', ne be̱xru le̱' chadía chacanna.