Read Tabaa Zapotec Salmos 29 Bible Online

Salmos 29 - Tabaa Zapotec bible

Salmos 29

¹Le güe lá'ana Xránadxu, le'e, zrale xabáa.Le güe lá'ana xel-la' szren chee̱', ne xel-la' waca chee̱'.

²¡Da xabáa naca La Xránadxu!¡Le güe lá'ana na!Le guzú zríbele lau Xránadxu lá'azxa gate xelé̱'e̱.

³Chi'i Xránadxu dxen na lawe' nísadau'.Dxen chi'i Dios xabáa ca guziu' da dxenné̱ na.Dxedá chi'e̱ lawe' nísadau'.

⁴Dxen chi'i Xránadxu ca naca xel-la' wal-la chee̱ na.Dxen chi'i Xránadxu dute̱ xel-la' szren chee̱ na.

⁵Chi'i Xránadxu dxichaj na xaga cedro ca'.Dxichaj na xaga cedro ca' zaj ze̱ na xi'a Líbano.

⁶Dxuxrite na xi'a Líbano ca' ca dxelexrite bé̱zredu ca',na' dxuxrite xi'a Hermón ca tu bé̱zredau'.

⁷Chi'i Xránadxu dxun na chaze xesa.

⁸Chi'i Xránadxu dxuxrize na le̱'e̱ xixre' lawe' lataj.Dxuxrize na le̱'e̱ xixre' chee̱ xe̱zr la xu Cades.

⁹Chi'i Xránadxu dxuxrize na xaga wal-la ca'.Dxuchibe na xrlegue xaga ca',na' lu xudau' chee̱' dxelenná xúgute̱ bénneache: “¡Gaca ba Dios!”

¹⁰Dxenná be'e Xránadxu nísadau' ca'.Chadía chacanna dxenná be'e̱ ca Wenná Bea.

¹¹Xránadxu Dios dxuzé̱ chache̱' benne' chee̱' ca'.Dxuzúe̱' le̱' lu da ba neza chee̱ xel-la' dxebeza zri lazre'.