Read Tabaa Zapotec Salmos 31 Bible Online

Salmos 31 - Tabaa Zapotec bible

Salmos 31

¹Dxuxrén lazra' Lue', Xrana' Dios.Quebe gu'u lataj xedué'eda'.Lu da xrlátaje chiu' bselá neda'.

²Bze̱ naga chi'a, ne bselá neda'.Bze̱ chuchu neda', ne bucú'uj neda' chee̱ la'.

³Nacu' Benne' dxuzé̱ chuchu' neda', ne dxucú'uju' neda'.lawe' da nacu' li lazre' gulé'enu' neda' neza, ne gusi'u neda' neza na'.

⁴Bebéaj neda' lu xralaj da ba zaj nucueze̱', chee̱ xele̱l-le̱' neda'.Lue' nacu' Benne' dxuxúe̱' neda'.

⁵Lu na'u dxuzúa' bénne'du xu'a, Xran.Lue' bexá'awenu' neda', Dios li lazre'.

⁶Dxecuídeda' benne' ca' dxelebeza lazre̱' dios ca' quebe bi zaj zaca.Neda' dxebeza lazra' Xrana' Dios.

⁷Béle̱'e̱da', ne sua' lu da ba neza lawe' da dxexache lazru' neda'.Caní dxunu' lawe' da dxelé'equeznu' ca da dxezaca zi'a.Nézenu' ca dxedéa' lu da ba xa'.

⁸Quebe bdeu' neda' lu na' benne' ca' dxeledábague̱' neda'.Bze̱ chuchu' neda' tu lataj chawe'.

⁹Bexache lazre' neda', Xrana' Dios, lawe' da zua' lu da ba xa'.Ba bebizre nisa xuzru xiaj lawa' lawe' da dxewí'ine lazra'dute̱ bénne'du xu'a, ne dute̱ be̱la' dxen chia'

¹⁰lawe' da dxedé xel-la' nabán chia' lu da ba xa',ne dxedéa' iza chia' ca' dxebezre lazra'.Dxedú lazra' lawe' da nabaga' zria, na' dxelelá zrita xu'a.

¹¹Xúgute̱ benne' ca' dxeledábague̱' neda' dxelecuídene̱' neda',na' benne' walízr chia' dxuluzúe̱' neda' chelá'ala,na' benne' zaj núnbe'e̱ neda' dxelecuase̱' neda'.Benne' ca' dxelelé'ene̱' neda' la neza dxuluzrúnnuje̱' naga zua'.

¹²Benne' caní ba gulal-la lazre̱' neda' ca dxelal-la lazre̱' tu benne' gate.Naca' neda' ca tu xé'ena xu da nalá'a.

¹³Dxenda' dizra' schanni' da dxelenná benne' zante̱ chia',na' gátete̱ze zua da dxuchebe na neda'.Dxácate̱ na' dxelune̱' tuze dizra' bi xelune̱' chia', ne zaj nune̱' xelútie̱' neda'.

¹⁴Neda' dxuxrén lazra' Lue', Xran.Dxennía' nacu' Lue' Dios chia'.

¹⁵Lu na'u Lue' zaj xu'u zra chia' ca'.Bselá neda' lu na' benne' ca' dxeledábague̱' neda',ne lu na' benne' ca' zaj nau zi' xuzre̱' neda'.

¹⁶Lu xel-la' szren chiu' bxue neda', we̱n zrin chiu'.Lu xel-la' dxexache lazre' chiu' bselá neda'.

¹⁷Quebe gu'u lataj xedué'eda', Xran, lawe' da dxuláwizra' Lue'.Be̱n xelexedué'e benne' ca' dxelebéaj xíchaje̱' Lue'.Be̱n xelezúa zrie̱' lu lataj ba xa'.

¹⁸Be̱n quebe gaca xelenné̱ benne' ca' dxelezí xe̱'e̱,benne' ca' dxelenné̱' da cale̱la chee̱ benne' xrlátaje ca',da dxelenné̱' lu xel-la' dxulucá'ana szren cuina,ne lu xel-la' dxulucá'ana ditaj benne' caní.

¹⁹Da zrente̱ naca xel-la' zri'i lazre' chiu' da napu'chee̱ bi gunu' chee̱ benne' ca' dxelape̱' Lue' ba lá'ana,da na' dxunu' lau xúgute̱ bénneachene̱ chee̱ benne' ca' dxelebeza lazre̱' Lue'.

²⁰Lu da bagácheze naga zu' Lue' dxucachu' benne' ca'chee̱ quebe bi xelún bénneache chee̱'.Dxuzú' benne' ca' tu lu xu'u nagachechee̱ quebe bi gun chee̱' xel-la' wetil-la dizra' chee̱ bénneache.

²¹¡Gaca ba Xránadxu Dios!Lu xel-la' dxexache lazre' chee̱' be̱ne̱' da zrente̱chee̱ gúcale̱ne̱' neda' tu lu xe̱zre naga guca wedil-la.

²²Gate na' guzúa da dxuchebe neda' gunnía':Zua' naga québedxa le'e Xrana' neda'.Lue' bennu' chi'a da guta' xueda' Lue' gate na' bláwizra' Lue'.

²³¡Le zri'i Xránadxu, xúgute̱le le'e nácale benne' chee̱ Lé̱queze̱'!Xránadxu dxuxúe̱' benne' ca' quebe dxulusane̱' Le̱',na' dxuxunézrujle̱'e̱ chee̱ benne' ca' dxulucá'ana szrene̱' Le̱'.

²⁴Le gutipa lázrele, xúgute̱le le'e dxebeza lázrele Xránadxu Dios,na' Le̱' guzé̱ chúchue̱' le'e.