Read Tabaa Zapotec Salmos 33 Bible Online

Salmos 33 - Tabaa Zapotec bible

Salmos 33

¹Le be le'e, benne' xrlátaje, lau Xránadxu Dios.Xrtante̱ naca lau Dios da dxelúe lá'ana benne' xrlátaje ca' Le̱'.

²Le gucá'ana szren Dios nen da zríadi'i na du da dxínnele.Le gúl-laqueze chee̱' nen da dxúl-lale̱nle, ne nen tu da nua na chi du.

³Le gul-la chee̱ Le̱' tu da cube.Le gul-la cháwedau', quínnele dute̱ xel-la' dxebé.

⁴Li lazre' naca xrtizra' Xránadxu Dios,na' nune̱' dute̱ lu xel-la' li lazre' chee̱'.

⁵Le̱' nazrí'ine̱' da naca xrlátaje, ne da naca du lazre'.Zaj núnbea bénneache xel-la' dxexache lazre' chee̱ Xránadxu du gabí'i xe̱zr la xu.

⁶Ne̱ chee̱ xrtizra' Xránadxu Dios, be̱ne̱' xabáa,na' xúgute̱ belaj da zaj nalá' zran xabáa be̱ne̱' nen be' dxedxuaj dxu'e̱.

⁷Le̱' dxuxutube̱' nísadau', ne dxexune̱' na ca tu xi'a nisa.Dxegá'a chawe̱' nisa lu da situj ca' naga nucueze̱' chee̱ na.

⁸Le zrebe Xránadxu Dios, xúgute̱le zrale xe̱zr la xu nigá.Le zrebe lau Le̱', xúgute̱le le'e zrale lu xe̱zr la xu

⁹lawe' da gunne̱ze̱', na' guca xe̱zr la xu.Gunná be'ene̱' na, na' zúaqueze na.

¹⁰Xránadxu Dios dxune̱' dxexaca dácheze dizra' zaj nun bénneache xe̱zr la xu ca',ne dxune̱' dxelaca níteze da ca' zaj nune̱' xelune̱'.

¹¹Dizra' ba nun Xránadxu Dios tu súazqueze na chadía chacanna.Da dxegú'u be'e̱ lu lázrdawe̱' tu wadíazqueze na lau xúgute̱ bénneache.

¹²Ba neza zrente̱ naca na chee̱ benne' xe̱zr la xu ca'Xránadxu naque̱' Dios chee̱ le̱',benne' xe̱zr la xu ca' gucá'a Dios chee̱ xelaque̱' benne' chee̱'.

¹³Naga zue̱' xabáa chee̱' dxenná' Xránadxu Dios,na' dxelé'ene̱' xúgute̱ cuen bénneache.

¹⁴Naga zue̱' lataj lá'azxa chee̱' dxenné̱'e̱,na' dxelé'ene̱' ca zaj zra' bénneache lu xe̱zr la xu.

¹⁵Le̱' be̱ne̱' xichaj lázxdau xúgute̱ benne' ca',na' dxenné̱'e̱ xúgute̱ da dxelune̱'.

¹⁶Quebe la benne' wenná bea ne̱ chee̱ benne' dxjaque̱' wedil-la zante̱ chee̱',ne quebe la benne' wal-la ne̱ chee̱ xel-la' wal-la da nape̱'.

¹⁷Quebe nu benne' le̱' ne̱ chee̱ bzrina',ne quebe nu la ne̱ chee̱ xel-la' wal-la zren chee̱'.

¹⁸Le na' xque, dxuxúe Xránadxu Dios benne' ca' dxelezrebe̱' Le̱'.Dxuxúe̱' benne' ca' dxelebeza lazre̱' Le̱' xexache lazre̱' le̱'

¹⁹chee̱ guselé̱' le̱' lu xel-la' gute,ne chee̱ gugawe̱' le̱' gate dxaca gubina'.

²⁰Dxebeza lázredxu Xránadxu Dios.Le̱' naque̱' Bénnea' dxácale̱ne̱' dxi'u, ne dxucu'uje̱' dxi'u.

²¹Chee̱ le̱ na' du lázredxu béle̱'e̱quezdxu lau Le̱',lawe' da tu dxuxrén lázrezquezdxu La lá'azxa chee̱'.

²²Bexache lazre' netu', Xránantu',lawe' da dxebeza lázrentu' Lue'.