Read Tabaa Zapotec Salmos 39 Bible Online

Salmos 39 - Tabaa Zapotec bible

Salmos 39

¹Neda' gunnía': Guxúe xanne' cuina' chee̱ quebe guna' dul-la lu da guchálaja'.Tu guxúe xánnezqueza' ca da guchálaja' dxácate̱ na' zua benne' we̱n da cale̱la naga zua'.

²Guzúa' zrize ca tu benne' quebe dxaca nnie̱',ne québequeze bchálaja' da xrlátaje,na' bzáladxa xel-la' dxudía chia'.

³Guca lázrdawa' ca tu da dxala,na' lu da dxulaba lazra' guca na ca tu xi'.Na' gunaba' lau Xránadxu, gunnía':

⁴Xran, ble'e neda' da gaca chia',ne ájate̱ zra gaca bana'.Bzéajni'i neda' chadite̱ nazruzre gatia'.

⁵Nunu' chia' sua' bábaze zra,na' iza chia' québequeze bi naca na lau Lue'.¡Da líqueze quebe bi zaj naca zra chee̱ xúgute̱ bénneache!

⁶¡Da líqueze zaj naca bénneache ca tu zrúl-laze!¡Da líqueze dácheze naca zaj dxe' bénneache gunne xue chee̱ xel-la' nabán chee̱'!¡Dxulucúdie̱' xel-la' gunní'a, ne quebe zaj nézene̱' nu chee̱ gaca na!

⁷Na'a, Xran, ¿bízraqueze cueza lazra'?Tuzu' Lue' dxal-la' cueza lazra'.

⁸Bselá neda' lu xúgute̱ da zrinnaj da be̱na'.Quebe gu'u lataj benne' xala ca' xelún le̱' chia'.

⁹Guzúa' zrize, ne quebe bi bchálaja'lawe' da Lué'queze be̱nu' guca caní chia'.

¹⁰Becá'a xízrawe̱' da bzu' lu be̱la' dxen chia'.Bache gatia' lu da dxusacu' neda'.

¹¹Dxudéu' ba xa' tu benne' ba nun dul-la chee̱ dxuzéajni'inu' le̱',ne ca dxun béadu dxuteba' ladxe' dxuzría xi'u da nazrí'idxe bénnea'.¡Da líqueze quebe bi zaj naca zra chee̱ xúgute̱ bénneache!

¹²Bene da dxenaba' lau Lue', Xran,ne bze̱ naga ca da dxuláwizra' Lue'.Quebe su' zrize gate zua' dxebezra' lau'lawe' da naca' lau Lue' ca tu benne' dxedaze̱', ne quebe de̱ lizre̱',ne naca' ca tu benne' quebe de̱ xe̱zr la xu chee̱' ca gulaca xra xrtawa' ca'.

¹³Bsan neda' chee̱ gata' lataj xezí' le dipa'nédxula ca xexá'a xenitia'.