Read Tabaa Zapotec Salmos 4 Bible Online

Salmos 4 - Tabaa Zapotec bible

Salmos 4

¹Beche̱be chia' gate dxuláwizra' Lue', Dios.Nacu' Benne' dxuchi'e̱ ca da dxuna'.Gate guzúa' lu da ste̱be, Lue' btipu' lazra'.Bexache lazre' neda', ne bene ca da dxuchálajle̱na' Lue'.

²Le'e, bénneache, ¿ájate̱scha' gucá'ana dítjale neda'?¿Ájate̱scha' zri'ile da quebe zaca, ne chéajle̱le da we̱n lazre'?

³Le xexúnbea ba gucá'a Xránadxu nu benne' dxape̱' Le̱' ba lá'ana.Xrana' Dios xenne̱' gate dxuláwizra' Le̱'.

⁴Le zrebe lau Dios, ne quebe gunle dul-la.Le gulaba lazre' chee̱' naga dxásale, ne le sua zrize.

⁵Le gute lau Le̱' béadu ca' lu da naca du lazre',ne le guxrén lázre' Xránadxu Dios.

⁶Benne' zante̱ dxelenné̱': “¿Nuzra gun gá'anatu' chawe'?”Dute̱ xel-la' zri'i lazre' chiu' bxue netu', Xran.

⁷Lue' bzu' xel-la' dxebé lu xichaj lázrdawa',da naca na zrendxa ca da zaj napa benne' zaj nápale̱'e̱ zrua',ne xrise uva wal-la.

⁸Dute̱ xel-la' dxebeza zri lazre' gata', ne gasia',lawe' da dxunu' Lue', Xran, zua' zri'a chawe'.