Read Tabaa Zapotec Salmos 40 Bible Online

Salmos 40 - Tabaa Zapotec bible

Salmos 40

¹Nen dute̱ xel-la' zren lazre' chia' guleza lazra' Xrana' Dios,na' bze̱ nague̱' chia', ne benne̱' da gunábeda' Le̱'.

²Bebéaje̱' neda' ca tu lu xe̱dxu situj, ne lu da naca ca guna' guzra'.Bzue̱' ni'a ca tu lu xiaj xre, ne begu'e̱ neda' neza li.

³Be̱ne̱' dxul-la' tu da cube da naca na da dxue lá'ana' Xránadxu.Benne' zante̱ xelelé'ene̱' da nigá dxune̱', na' xelezrebe̱' Le̱',ne xuluxrén lazre̱' Xránadxu Dios.

⁴Ba neza zrente̱ naca na chee̱ bénnea' dxuxrén lazre̱' Xránadxu Dios,ne quebe dxune̱' ca dxelún benne' ca' dxulucá'ana szrene̱' bedáu' xiaj xaga ca',ne quegá ca dxelún benne' ca' dxelún lazre̱'.

⁵Da zante̱ be̱nu', Xrana' Dios, da dxebánentu',ne ca zaj naca da dxezá lazru' gunu' chee̱ntu' quebe gaca gulábantu' lau Lue'.Chela nu guzenda' ca zaj naca na,ne che guchálaja' chee̱ na, quebe baben tu na.

⁶Quebe dxezaca ba lazru' béadu ca' gutia' lau', u da gunna' Lue',ne quebe gunabu' béadu ca' guzézxea' lau', u dxen chee̱ béadu ca' da guzúa' lau' ne̱ chee̱ dula nabaga',san gusálaju' naga' chee̱ xenda' chi'u.

⁷Nadxa gunnía': Guná' xque, za'a neda'.Lu xiche lá'azxa naxúaj na ca naca chia'.

⁸Dxezaca ba lazra' guna' ca da dxaca lazru' Lue', Dios chia',na' da nadxixruj be'u zua na lu xichaj lázrdawa'.

⁹Ca naca da xrlátaje chiu' ba bzenda' bénneachenaga zaj nazraga chiu' bénneache zante̱.Gunná' xque, quebe guzúa zria',ca nézqueznu' Lue', Xrana' Dios.

¹⁰Quebe bcácheza' ca da xrlátaje chiu' lu lázrdawa'.Ba bchálajqueza' ca naca xel-la' li lazre' chiu', ne ca dxuseláu' bénneache.Quebe guzúa' zri ca naca xel-la' dxexache lazre' chiu',ne ca naca da li chiu' ládujla benne' zante̱ zaj nazrague̱' chiu'.

¹¹Xran, quebe chenu' xexache lazru' neda'.Xel-la' dxexache lazre' chiu', ne da li chiu' tu dxelácale̱zqueze na neda'.

¹²Lawe' da ba guléchajle̱'e̱ da cale̱la ca' neda',da cale̱la ca' da ba nuna' zaj zria na neda', na' quebe gaca nna'a naga zu'.Zaj naxándxa na ca zaj naca xicha xíchaja', na' dxedú lazra'.

¹³Dxenaba' lau', Xran, guseláu' neda'.Xran, be̱n ba xuzre gácale̱nu' neda'.

¹⁴Be̱n xelexedué'e, ne xeleque zréajexúgute̱ benne' ca' dxelaca lazre̱' xelútie̱' neda'.Be̱n xeajxaca bzé̱bela, ne xelexedué'ebenne' ca' dxelezá lazre̱' xelune̱' chia' da cale̱la.

¹⁵Be̱n xeleque zréaje̱' lawe' da belún zréaje̱' neda'benne' ca' gulé̱'e̱ neda': “E, e.”

¹⁶Be̱n xelebé, ne xelezúe lu da ba neza xúgute̱ benne' ca' dxelebeze̱' Lue',ne be̱n xelennáqueze benne' ca' zaj nazrí'ine̱' Lue', weselá chee̱'.Xelenné̱': “Xegá'ana szrénqueze Xránadxu.”

¹⁷Láqueze sua' neda' lu da ba xa', ne lu da baxache',guxúequeze Xrana' Dios ájala gune̱' chia'. Nacu' Benne' dxácale̱ne̱' neda', ne Benne' weselá chia'.Dios chia', quebe chenu' gácale̱nu' neda'.