Read Tabaa Zapotec Salmos 42 Bible Online

Salmos 42 - Tabaa Zapotec bible

Salmos 42

¹Ca dxun bzrina' xixre' dxebezre xa'aba' lawe' da dxebíleba' nisa,ca' dxuláwizra bénne'du xu'a da naca chiu', Dios.

²Dxebile bénne'du xu'a da naca chiu', Dios ban. ¿Bata gaca xida' chee̱ guzúa cuina' lau Dios?

³Nisa xuzru xiaj lawa' guca na ca xeta dxawa' te zra chizrela,dxácate̱ na' gulé̱'e̱ neda' xúgute̱ zra: “¿Ga na' Dios chiu'?”

⁴Dxajsá lazra' chee̱ da caní, ne dxebezre lazra'.Dxajsá lazra' ca guxá'ale̱na' benne' zan ca', ne nuzúa' lawe' le̱' lizre Dios.Tu dxúl-lazquezdxu lu xel-la' dxebé, ne dxue lá'anaquezdxu Dios lu laní.

⁵¿Bizr chee̱ na' dxate ni'a na'u, bénne'du xu'a?¿Bizr chee̱ na' zu' ste̱be lu xichaj lázrdawa'?Guleza lazre' Dios lawe' da güe lá'anaqueza' Le̱' da xula.Naque̱' Benne' dxuselé̱' neda', ne Dios chia'.

⁶Dios chia', ba nate ni'a na' bénne'du xu'a lu xichaj lázrdawa'.Chee̱ le̱ na' dxajsá lazra' chiu' nigá zua' lu xe̱zr la xu xechalá'a xe̱gu Jordán,ne lu xe̱zr la xu chee̱ benne' Hermón naga zua xi'a Mizar.

⁷Ca schaga da dxun nísadau', ne da dxun tu bdua nisa zren chiu', Dios,ca' dxeque bénne'du xu'a lawe' da dxusaca zi' na'u neda'.

⁸Te zra xexache lazre' Xránadxu neda',na' chizrela tu gúl-lazqueza' da güe lá'ana' Le̱',ne tu guchálajle̱zqueza' Dios, Bénnea' dxunne̱' xel-la' nabán chia'.

⁹Xapa' Dios: Lué'queze dxucu'uju' neda'.¿Bizr chee̱ na' nal-la lazru' neda'?¿Bizr chee̱ na' dxewí'ine lazra' lawe' da dxusaca zi' benne' dxedábague̱' neda'?

¹⁰Ca tu benne' dxelé̱'e̱ zrita xu'a, ca' dxelún benne' ca' chia', dxelún le̱' chia'.Tu zra tu zra dxelenné̱' chia': “¿Ga na' Dios chiu'?”

¹¹¿Bizr chee̱ na' dxate ni'a na'u, bénne'du xu'a?¿Bizr chee̱ na' zu' ste̱be lu xichaj lázrdawa'?Guleza lazre' Dios lawe' da güe lá'anaqueza' Le̱' da xula.Naque̱' Benne' dxuselé̱' neda', ne Dios chia'.