Read Tabaa Zapotec Salmos 46 Bible Online

Salmos 46 - Tabaa Zapotec bible

Salmos 46

¹Dios naque̱' Benne' dxuxúe̱' dxi'u, ne dxune̱' dxi'u benne' wal-la.Zúate̱queze̱' gácale̱ne̱' dxi'u gate dxededxu xel-la' zi'.

²Chee̱ le̱ na', quebe zrébedxu lácala xru' xe̱zr la xu nigána' cheajlechaze xi'a ca' lu nísadau',

³ne lácala xeajxruza zren chee̱ nísadau' xuluninne na, ne dxelúnle̱'e̱ na schaga,na' welezrízequeze xi'a ca' ne̱ chee̱ da dxezrú'.

⁴De̱ tu xe̱gu da dxunna na xel-la' dxebé lu xe̱zre chee̱ Dios,ne lu xu'u lá'azxa chee̱ Dios, Benne' nape̱' dute̱ xel-la' szren.

⁵Dios zue̱' xe̱zre na', ne cabata' cuía xi na.Dxaní'sise̱' xide̱' gácale̱ne̱' bénneache zaj zre̱'e̱ xe̱zre na'.

⁶Dxelezrébele̱'e̱ benne' xe̱zr la xu ca',na' dxelezrize benne' chee̱ wenná bea ca'.Dxenné̱ Dios ca dxenné̱ guziu', na' dxexuna xe̱zr la xu.

⁷Dios, Bénnea' nape̱' dute̱ xel-la' waca, zúale̱ne̱' dxi'u.Dios na' chee̱ Jacob dxucache chawe̱' dxi'u.

⁸Le da lé'ele da ca' nun Xránadxu.Le nna' ca naca da dxebánedxu da nune̱' lu xe̱zr la xu.

⁹Dxebeque zrie̱' wedil-la da dxelaca du gabí'i xe̱zr la xu.Dxuzúzruje̱' da dxuzala na xaga nalá xéche'ze ca',ne dxíchuje̱' xaga tuche' ca' chee̱ wedil-la,na' dxuzezxe̱' da ca' zaj nache̱' benne' wedil-la ca'.

¹⁰Dxenná Dios: “Le sua zrize, ne le xúnbea naca' Dios.Naca' szrendxa ca zaj naca xúgute̱ cue' xe̱zr la xu.Naca' szrendxa ca dute̱ xe̱zr la xu.”

¹¹Dios, Bénnea' nape̱' dute̱ xel-la' waca, zúale̱ne̱' dxi'u.Dios na' chee̱ Jacob dxucache chawe̱' dxi'u.