Read Tabaa Zapotec Salmos 48 Bible Online

Salmos 48 - Tabaa Zapotec bible

Salmos 48

¹¡Zrente̱ naca Xránadxu!¡Naca chee̱' güe lá'anale̱'e̱dxu Le̱'ga naca lu xe̱zre chee̱ Dios chee̱dxu,da dxe' na lu xi'a lá'azxa chee̱'!

²Sión, da naca na xi'a chee̱ Dios, naca na sibe, ne xrtante̱.Naca na xe̱zre chee̱ Wenná Bea zrente̱,da dxunna na xel-la' dxebé dute̱ xe̱zr la xu nigá.

³Dios ba blé'ene̱' dxucache chawe̱' dxi'u,lu xu'u zaca ca' chee̱ xe̱zre chee̱' na'.

⁴Belezraga benne' wenná bea ca',na' belelé̱'e̱ chee̱ xeledíl-lale̱ne̱' xe̱zre nigá,

⁵na' gate belelé'ene̱' na, na' belexebánene̱'.Belezrébe̱', na' buluzrúnnuje̱'.

⁶Gulezré̱'e̱ lu da ste̱be,ne gulezúe̱' xel-la' dxudía ca dxaca chee̱ tu nu'ula ba zua sane̱' bidau'.

⁷Gulaque̱' ca da ca' dxeledá lawe' nísadau' dxexrite nagate dxácale̱'e be' bdunu' lu nísadau'.

⁸Bendxu ca da be̱n Dios, na' na'a ba ble'edxu na,ga naca lu xe̱zre chee̱ Xránadxu, nape̱' dute̱ xel-la' waca,da naca na xe̱zre chee̱ Xránadxu Dios.Le̱' guzúa chawe̱' xe̱zre nigá chadía chacanna.

⁹Ga naca lu xudau' chiu' Lue', Diosdxajsá lázredxu ca naca xel-la' zri'i lazre' zren chiu'.

¹⁰Gátete̱ze na' dxelúe lá'ana bénneache Lue',na' ca naca xel-la' szren chiu' dxezrín na du gabí'i xe̱zr la xu.Ca naca da xrlátaje dxenná be'u.

¹¹Xelebéle̱'e̱ bénneache zaj zre̱'e̱ Sión.Xelebéle̱'e̱ bénneache zaj zre̱'e̱ xe̱zre ca' chee̱ Judáne̱ chee̱ da dxuchi'u chee̱'.

¹²Le'e, bénneache chee̱ Dios, le chechaj dxu'a xe̱zre na',ne le gulaba ca zaj naca xu'u sibe ca',da dxuluzé̱ chacha na xe̱zre na'.

¹³Le nna' xque ca naca ze'e zren naxechaj na xe̱zre na'.Le nna' xanne' ca zaj naca xu'u wal-la chee̱ na,chee̱ guzenle bi chee̱le ca naca xe̱zre na'.

¹⁴Dios nigá nácaqueze̱' Dios chee̱dxu chadía chacanna.Le̱' tu gulé'ezquezne̱' dxi'u neza.