Read Tabaa Zapotec Salmos 49 Bible Online

Salmos 49 - Tabaa Zapotec bible

Salmos 49

¹Le xen da nigá, le'e, benne' xúgute̱ cue' xe̱zr la xu.Le guzé̱ nágale, le'e, benne' dute̱ xe̱zr la xu,

²le'e, benne' blau, ne le'e, benne' xezícadxa,le'e, benne' gunní'a, ne le'e, benne' xache'.

³Guchálajqueza' xel-la' sina,ne guzéajni'ida' le'e da xu'u lázrdawa'.

⁴Guzé̱ naga' tu dizra' sina.Gúl-laqueza' chee̱ tu da nagache,ne quinnia' da zríadi'i na du che̱n.

⁵¿Bizr chee̱ na' dxun na ba xen zreba' lu zra chee̱ da ste̱be,gate naxechaj da cale̱la neda' da dxelún benne' dxeledábague̱' neda'?

⁶Benne' ca' dxuluxrén lazre̱' da zaj de̱ chee̱',ne dxulucá'ana szren cuine̱' lawe' da zaj nápale̱'e̱.

⁷Quebe xelezéquene̱' xelexá'awe̱' le sa' ljwezre̱',ne quebe gaca xulunézruje̱' Dios da guselá na le̱'

⁸chee̱ tu xelaca bánzqueze̱',ne chee̱ cabata' xeluzru be̱l-la' dxen chee̱'lawe' da zrente̱ naca da dxexa'u na xel-la' nabán chee̱ bénneache,ne cabata' seque' nu benne' quízruje̱' na.

¹⁰Xelelé'ene̱' dxelátequeze benne' sina ca',ne xelúzrue̱' cáte̱ze dxaca chee̱ benne' xala ca',ne chee̱ benne' lázrdau zide' ca',na' dxulucá'ane̱' xel-la' gunní'a chee̱' lu na' benne' xula ca'.

¹¹Dxeléquene̱' wazráqueze zri'ine zre sue̱' chadía chacanna,na' xelexegá'ana lizre̱' chee̱ xelaca na chee̱ xúgute̱ cuen xrtia ljwezre̱',na' dxelu'e̱ la xe̱zr la xu chee̱' ca' ca zaj nazí láqueze̱'.

¹²Quebe xelexegá'anatequeze bénneache lu da ba lá'ana.Zaj naque̱' ca be̱ xixre' ca', be̱ dxeláteba'.

¹³Ca da dxelune̱' naca na da xálaze,na' dxelexezaca ba lazre' xrtia ljwezre̱' ca' nen da dxelennaze̱'.

¹⁴Zaj naque̱' ca tu cue' zrila' zjácaba' lataj ba xa', naga guxúe xel-la' gute le̱ba'.Benne' xrlátaje ca' xelenná bé'ene̱' benne' gunní'a ca' gate za' chaní',na' xelebía xi' da ca' guta' chee̱',na' lataj ba xa' gaca na naga tu xelezúazqueze̱'.

¹⁵Dios xexá'awe̱' xel-la' nabán chia' lu lataj ba xa'lawe' da xeché̱'e̱ neda' naga zúaqueze̱' Le̱'.

¹⁶Quebe su' ste̱be gate nu benne' dxezrué'ene̱' xel-la' gunní'a,ne gate dxune̱' lizre̱' da zácale̱'e̱dxa,

¹⁷lawe' da gate gatie̱' quebe bi xexu'e̱,ne quebe chéajle̱ xel-la' gunní'a chee̱' le̱'.

¹⁸Lácala dxácate̱ naca bane̱' dxe̱ cuine̱' zue̱' lu da ba neza zrente̱,na' dxelúe lá'ana bénneache le̱' gate dxe̱pe bane̱',

¹⁹san chu'e̱ naga zaj zra xra xrtawe̱' ca',ne cabátadxa lé'ene̱' xel-la' naxaní'.

²⁰Bénnea' dxelapa bénneache le̱' ba lá'ana san quebe bi dxéajni'ine̱'naque̱' ca be̱ xixre' ca', be̱ dxeláteba'.