Read Tabaa Zapotec Salmos 5 Bible Online

Salmos 5 - Tabaa Zapotec bible

Salmos 5

¹Bze̱ naga dizra' chia', Xran.Bde lazre' ca dxebezre lazra'.

²Bene ca guchálajlena' Lue', Wenná Bea chia', ne Dios chia', q lawe' da guláwizraja' Lue', Dios.

³Xran, che zílala xennu' chi'a.Che zílala xídaqueza' lau Lue', ne wabeza lazra' Lue'.

⁴Nacu' Dios quebe dxezaca ba lazru' da cale̱la.Benne' we̱n da cale̱la quebe súaqueze̱' naga zu' Lue'.

⁵Quebe dxu'u lataj xelezrín benne' we̱n da cale̱la lau'.Dxecuídenu' xúgute̱ benne' dxelune̱' da zrinnaj.

⁶Guzría xí'quezu' benne' ca' dxelezí xe̱'e̱.Guzú' chalá'ala benne' we̱te benne', ne benne' guzrí xe̱'.

⁷Neda' waca chu'a lizru' lawe' da nazrí'ile̱'e̱nu' neda'.Güe lá'ana' Lue' lu xudau' lá'azxa chiu' dute̱ xel-la' dxezrebe.

⁸Bsi neda' chee̱ guna' da xrlátaje chiu', Xran,lawe' da zrále̱'e̱ benne' dxeledábague̱' neda'.Gulú'u neda' neza chawe' chiu'.

⁹Benne' caní quebe dxelenné̱' da li.Lu xichaj lázrdawe̱' xu'u da cale̱la.Xe̱dxu lbe̱'e̱ zaj naca na ca tu ba chee̱ benne' gate da naxalaj na.Zaj nupé̱'e̱ dizra' chawe' chee̱' da zaj naca na da we̱n lazre'.

¹⁰Bde benne' ca' lu da ba xa', Xrana' Dios.Be̱n cheajlecházie̱' cáte̱ze zaj naca xrtízraqueze̱'.Lawe' da naxánle̱'e̱ da cale̱la da dxelune̱'ne lawe' da guledábague̱' Lue', bebéaje̱' chalá'ala.

¹¹Welebéle̱'e̱ benne' ca' dxuluxrén lazre̱' Lue'.Welebézre xá'aqueze̱' dute̱ xel-la' dxelebé lawe' da dxucú'uju' le̱'.Lau Lue' welebéle̱'e̱ benne' ca' zaj nazrí'ine̱' Lue'.

¹²Gúnquezu' da chawe' chee̱ benne' xrlátaje, Xran.Gucu'uju' bénnea' lawe' da dxezaca ba lázrele̱nu' le̱'.