Read Tabaa Zapotec Salmos 50 Bible Online

Salmos 50 - Tabaa Zapotec bible

Salmos 50

¹Ba gunné̱ Xránadxu Dios, ne ba nutube̱' bénneache chee̱ dute̱ xe̱zr la xu,benne' zaj zre̱'e̱ naga dxalaj gubizra,ne benne' zaj zre̱'e̱ naga dxebía na.

²Lu xi'a Sión, da naca na xrtánle̱'e̱ ba bzaní' Dios.

³Xelá' Dios chee̱dxu, ne quebe sua zrie̱'.Gálajqueze xi' lau Le̱',ne gácale̱'e̱ be' bdunu' da chechaj na Le̱'.

⁴Xutúbequeze̱' benne' zaj zre̱'e̱ xabáa na'ala,ne benne' zaj zre̱'e̱ xe̱zr la xu,chee̱ guchi'e̱ chee̱ bénneache chee̱'.

⁵Dxenné̱': “Le xutube benne' chia' ca',benne' ca' belune̱' tu xel-la' wezría nen neda'da buluzúa chúchue̱' nen dxen chee̱ béadu ca'.”

⁶Da zua xabáala gulé'e lau na naque̱' xrlátaje,lawe' da naca Dios Benne' guchi'e̱ chee̱ bénneache.

⁷Dxenné̱': “Le xen, bénneache chia', na' guchálaja'.Le guzé̱ nágale, benne' Israel, na' nnia' da gagu na zria chee̱le.Neda', Dios, naca' Dios chee̱le.

⁸Quebe til-la' le'e ca naca béadu ca' bé̱tele lawa',ne ca naca béadu ca' bzézxele,da zaj zúaqueze na lawa' neda'.

⁹Quebe ca'a lu na'ale me̱du ca',ne chivo biu ca', be̱ nápaquezle

¹⁰lawe' da zaj naca chia' xúgute̱ be̱ xixre' ca',ne zane gaxúa be̱ xixre' zaj zraba' lu xí'adu ca'.

¹¹Xu'u lu na'a xúgute̱ be̱ zua xrila,ne naca chia' xúgute̱ be̱ zaj naca banba'.

¹²Chela neda' dxeduna', quebe xapa' le'e ca'lawe' da naca chia' xe̱zr la xu, ne xúgute̱ da de̱ lawe na.

¹³¿Dxun na ba xen gawa' be̱la' be̱zre ca'?¿Xí'aja' dxen chee̱ chivo biu ca'?

¹⁴Le guzúa lau Dios da güe lá'anale Le̱'ne le gunezruj ca da guche̱be lázrele lau Dios szrente̱.

¹⁵Bláwizra neda' lu zra zu' lu da zi' da xa',na' guselá' lue', na' lue' gapu' neda' ba lá'ana.”

¹⁶Dios guzre̱' benne' we̱n da cale̱la:“¿Bi dxéquenu' lue', dxuchálaju' ca nadxixruj bi'a,ne dxenníu' ca naca chee̱ xel-la' wezría chia'?

¹⁷Lue' dxecuídenu' neda' che dxusízreda' lue',ne dxuzú' chalá'ala dizra' chia'.

¹⁸Gate dxelé'enu' gubán, na' dxunu' le̱' tu zren,ne nacu' tu zren benne' ca' dxeledále̱ne̱' nu'ula quebe zaj naca zru'ule̱'.

¹⁹Dxuchálajquezu' da cale̱la,ne tu dxúnzquezu' da we̱n lazre'.

²⁰Tu dxenné̱zquezu' da cale̱la chee̱ bi bíchequezu',Ne dxagu' zria chee̱ bi chee̱ xrná'aquezu'.

²¹Da caní be̱nu', na' neda' guzúa' zrize.Gúquenu' naca' tu benne' ca nacu' lue'.Na'a wadíl-laqueza' lue', ne gulé'eda' lue' ca ba be̱nu'.”

²²Le chéajni'i da nigá na'a, le'e dxal-la lázrele Dios.Ga gaze guzuzruj Dios le'e, ne québedxa sua nu guselá le'e.

²³Bénnea' guzúe̱' lawa' da güe lá'ane̱' neda' gape̱' neda' ba lá'ana,na' bénnea' dxuxuchá cuine̱' chee̱ gune̱' da xrlátaje,gulé'eda' le̱' ca guselá' le̱', naca' Dios chee̱'.