Read Tabaa Zapotec Salmos 52 Bible Online

Salmos 52 - Tabaa Zapotec bible

Salmos 52

¹¿Bizr chee̱ na' dxucá'ana szren cuinu' chee̱ da cale̱la da nunu', lue', benne' wal-la?Tu zúazqueze xel-la' dxexache lazre' chee̱ Dios.

²Tu dxuchálajzquezu' chee̱ da cale̱la da gunu' chee̱ le sa' ljwezru'.Da dxenníu' naca na ca tu xia da nalále̱'e̱, dxezí xe̱'u ljwezru'.

³Nazrí'idxenu' da cale̱la quézcala da xrlátaje,ne dxedánnedxenu' da we̱n lazre' quézcala da li.

⁴Nazri'inu' xúgute̱ dizra' da dxulucá'ana ditaj na bénneache,lue', benne' dxezí xe̱'u.

⁵Chee̱ le̱ na' guzría xi' Dios lue' tu chí'izqueze.Waxe̱le̱' lue', ne xequé̱'e̱ lue' naga zúaquezu',ne gucuase̱' lue' naga zaj zra' benne' ban ca'.

⁶Xelelé'e benne' xrlátaje ca' da nigá, na' xelezrébequeze̱'.Xuluzrízrqueze̱' chiu' lue', xelenné̱':

⁷“Le na' xque, benne' nigá quebe bxren lazre̱' Dios chee̱ gucu'uje̱' le̱'.Bxren lázrequeze̱' ca naca xel-la' gunní'a zrente̱ chee̱',ne guzúaqueze̱' lu da cale̱la da dxune̱'.”

⁸Neda' naca' ca tu xaga olivo xa'a lu xu'u lizre Dios.Tu dxuxrén lázrezqueza' xel-la' dxexache lazre' chee̱ Dios chadía chacanna.

⁹Güe lá'anaqueza' Lue' chadía chacanna lawe' da be̱nu' da caní,ne cueza lazra' lau Lue' lawe' da naca na xrlátaje lau xúgute̱ benne' chiu' Lue'.