Read Tabaa Zapotec Salmos 57 Bible Online

Salmos 57 - Tabaa Zapotec bible

Salmos 57

¹Bexache lazre' neda', Dios.Bexache lazre' neda', lawe' da dxuxrén lazra' Lue' dute̱ lázrdawa'.Que̱zru' neda' ca dxun bedxuj dxé̱zreba' zrí'ineba' zran xrílaba', cadxa te chee̱ da ste̱be caní.

²Guláwizra' Dios, Benne' zrente̱.Guláwizra' Dios chee̱ gácale̱ne̱' neda'.

³Naga zúate̱' xabáa chee̱' sel-le̱' nu guselá neda' lu na' bénnea' dxáca lazre̱' guzría xi'e̱ neda'.Gusel-la Dios xel-la' dxexache lazre', ne da li chee̱'.

⁴Zua' lu da ste̱be ca tu benne' zue̱' ládujla be̱zre xixre' ca'.Xu'a ládujla bénneache zaj naque̱' ca be̱zre xixre' ca' dxeláguba' bénneache.Dizra' da dxelenné̱' chia' zaj naca na ca tu xia natuche', ne xaga nalá xéche'ze ca',na' xrtizre̱' zaj naca na ca tu xia da nalále̱'e̱.

⁵Xega'ana szrénquezu' lu xabáa, Dios.Xel-la' szren chiu' sua na lawe' dute̱ xe̱zr la xu.

⁶Ba zaj nabeche̱' xralaj chee̱ xele̱l-le̱' neda'.Ba dxedú lazra' lu da dxaca chia'.Ba zaj naxe̱ne̱' tu xe̱dxu chee̱ cheajcházia' lu'ule na.Lu'ule da na' ba xeajlecházqueze le̱'.

⁷Ba zúate̱queze lázrdawa', Dios.Ba zúate̱queze lázrdawa' chee̱ gúl-laqueza' da güe lá'ana' Lue'.

⁸Bebán lazre', bénne'du xu'a, ne le xebán lázrele,le'e dxínnele da dxúl-lale̱nle, ne da zríadi'i na du.Che zílala chásaqueza'.

⁹Güe lá'anaqueza' Lue' ládujla bénneache chiu', Xran.Gúl-laqueza' chiu' lau benne' xúgute̱ cue' xe̱zr la xu,

¹⁰lawe' da naca xel-la' dxexache lazre' chiu' zrendxa ca xabáa,na' da li chiu' naca na zrendxa ca beuj bza ca'.

¹¹Xegá'ana szrénquezu' lu xabáa, Dios.Xel-la' szren chiu' sua na lawe' dute̱ xe̱zr la xu.