Read Tabaa Zapotec Salmos 6 Bible Online

Salmos 6 - Tabaa Zapotec bible

Salmos 6

¹Lue', Xran, quebe til-lu' neda' lu xel-la' snia chiu',ne quebe gudéu' neda' ba xa' lu xel-la' dxezrá'a chiu'.

²Bexache lazre' neda', Xran, lawe' da quebe chawe' zua'.Bexún neda', Xran, lawe' da dxedéa' xel-la' zi'.

³Sté̱bele̱'e̱ zua xichaj lázrdawa'.Xran, ¿bátala gácale̱nu' neda'?

⁴Gudá, Xran, bselá bénne'du xu'a.Bselá neda' dute̱ xel-la' zri'i lazre' chiu'.

⁵Naga zaj zra' benne' gate ca', quebe nu dxeajsá lazre' Lue'.Lu lataj ba xa' ¿núzraqueze güe lá'ana Lue'?

⁶Ba dxexedú lazra' lawe' da dxebezre lazra'.Tu zre' tu zre' dxebísane ga dxásia' nisa da dxebezra'.Dxusebisa' xrcugua' nisa da dxebezra'.

⁷Ba dxane xiaj lawa' xel-la' dxebezre.Ba bebízrqueze nisa xuzru xiaj lawa' lawe' da zrále̱'e̱ benne' dxulusaca zi'e̱ neda'.

⁸Le cuasa naga zua', xúgute̱le dxunle da zrinnajlawe' da ba ben Dios dxebézrele̱'a.

⁹Xrana' Dios ba benne̱' da dxata' xueda' Le̱'.Ba guzí' Xrana' Dios da dxuchálajle̱na' Le̱'.

¹⁰Dxelexedué'e, ne zaj zua lu da sté̱bele̱'e̱ xúgute̱ benne' dxeledábague̱' neda'.Chadite̱ xelexebigue̱' naga zua', ne xelexedué'ene̱'.