Read Tabaa Zapotec Salmos 61 Bible Online

Salmos 61 - Tabaa Zapotec bible

Salmos 61

¹Bene, Dios, da dxuláwizra' Lue'.Bze̱ naga da dxuchálajle̱na' Lue'.

²Zitu' naga zua lazria' dxuláwizra' Lue', lawe' da dxedú lazra'.Guché̱' neda' naga zua Bénnea' naque̱' ca tu xi'a xiaj, Bénnea' nácadxe̱' szren ca neda',

³Nacu' Lue' Benne' nuxrue̱' neda',ne nacu' ca tu ze'e xiaj da dxucu'uj na neda' lau benne' ca' dxeledábague̱' neda'.

⁴Tu súazqueza' lu xu'u lá'azxa chiu'.Sua chawa'a cuitu' Lue' ca zaj zua chawe' bedxuj dxé'enedu ca' zran xrila bedxuj.

⁵Lawe' da bennu' Lue', Dios, ca da guche̱be lazra' chiu',be̱nu' napa' ca da dxelapa benne' ca' dxelezrebe̱' Lue'.

⁶Gunu' gaca bana' neda', wenná bea, zánete̱ zra.Iza chia' xelaca na ca da zaj naca chee̱ chupa cuen bénneache.

⁷Tu súazqueza' lau', Dios.Bcueza xel-la' dxexache lazre' chiu', ne da li chee̱ xulucá'ana chawe' na neda', wenná bea.

⁸Caníqueze gúl-laqueza' chee̱ lau' tu chí'izqueze,ne gúnqueza' tu zra tu zra ca da guche̱be lazra'.