Read Tabaa Zapotec Salmos 62 Bible Online

Salmos 62 - Tabaa Zapotec bible

Salmos 62

¹Tuze nen Dios dxebeza zri lazre' bénne'du xu'a.Lé̱queze̱' dxuselé̱' neda'.

²Tuze Le̱' dxucu'uje̱' neda', ne dxuselé̱' neda'.Naque̱' Bénnea' dxuxre̱' neda', na' quebe negue lazra'.

³¿Ajate̱zcha' gucuézale da gunle chee̱ tu benne',na' dxunle ba xen xúgute̱le guzría xile le̱',ca dxun tu benne' dxuchínnaje̱' tu ze'e da ba de̱ chalá'ala, u tu le'aj da ba guzru'?

⁴Dxunle tuze dizra' ájazra xebéajle neda' lu xel-la' szren chia'.Nazrí'ile da we̱n lazre'.Nen dxú'ale dxenne̱le da xrlátaje, san xu'u lázrdaule da cale̱la.

⁵Lue', bénne'du xu'a, guleza lazre' tuze Dios,lawe' da naca Le̱' Bénnea' dxebeza lazra'.

⁶Tuze Le̱' dxucu'uje̱' neda', ne dxuselé̱' neda'.Naque̱' Bénnea' dxuxre̱' neda', na' quebe negue lazra'.

⁷Naca Dios Bénnea' dxuselé̱' neda', ne naque̱' da ba neza chia'.Naca Dios Bénnea' dxucu'uje̱' neda', ne Benne' dxuxre̱' neda'.

⁸Le cueza lazre' Le̱' tu chí'izqueze, le'e, bénneache.Le xe̱'e̱ ca da dxezá lázrele.Naca Dios Bénnea' dxuxre̱' dxi'u.

⁹Da líqueze, da dácheze zaj naca bénneache, ne ca tu da we̱n lazre' benne' zren ca'.Quebe bi dxelé̱'e̱ tu lu zrgú'unsa.Zaj nácadxe̱' zraze ca tu be' da dxecá'a lázredxu.

¹⁰Quebe guxrén lázrele da sile gate dxexúbele,ne quebe gucá'ana szren cuínale chee̱ da ca' dxebanle.Che dxegula xel-la' gunní'a chee̱le, quebe xezaca ba lázrele chee̱ da na'.

¹¹Tu lásaze gunná Dios:na' chupa lasa benda' da nigá:Chee̱ Dios naca xel-la' waca.

¹²Chiu' Lue', Xran, naca xel-la' dxexache lazre'lawe' da dxunézruju' lazruj chee̱ tu tu bénneache cáte̱ze da zaj nune̱'.