Read Tabaa Zapotec Salmos 63 Bible Online

Salmos 63 - Tabaa Zapotec bible

Salmos 63

¹Dios, Lue' nacu' Dios chia'.Dxebile bénne'du xu'a da naca chiu',na' be̱la' dxen chia' dxezá lazre' na da naca chiu'.Naca chia' ca zúaqueza' tu xe̱zr la xu bizre naga quebe bi nisa de̱.Dxaní'siseze xida' lau Lue' chee̱ le'eda' xel-la' waca chiu', ne xel-la' szren chiu',cáte̱ze ba ble'eda' da naca chiu' lu lataj lá'azxa chiu'.

³Cháwedxa naca xel-la' dxexache lazre' chiu' ca xel-la' nabánqueze.Chee̱ le̱ na' güe lá'anaqueza' Lue'.

⁴Caníqueze nnia' chiu' da xrlátaje dxácate̱ naca bana'.Chee̱ gucá'ana szrena' Lau' chísaqueza' na'a.

⁵Xélaje bénne'du xu'a da naca na ca be̱se zrita, ne be̱la' da dxánnele̱'e̱,na' dute̱ xel-la' dxebé güe lá'anaqueza' Lue'

⁶gate dxajsá lazra' chiu', ne dea' ga dxata',ne gate dxulaba lazra' ca naca chiu' gate dxennaza' chizrela.

⁷Lawe' da dxácale̱nu' neda', béle̱'e̱da' cuitu'ca dxelún bedxuj dxé'enedu ca' zran xrila bedzuj.

⁸Naca bénne'du xu'a Lue' tuze.Nen na'u wal-la nuxru' neda'.

⁹Benne' ca' gulezá lazre̱' xuluzría xi'e̱ neda'cheajlecházie̱' lataj ba xa'.

¹⁰Xelebía xi'e̱ lu xia nalá.Xelaque̱' da xelagu becu' xixre' ca'.

¹¹Neda', wenná bea, beda' lu da naca chee̱ Dios.Xegá'ana ba lá'ana nútete̱ze benne' dxuluchínene̱' la',lawe' da xelezxuj dxu'a benne' ca' dxelenné̱' da we̱n lazre'.