Read Tabaa Zapotec Salmos 64 Bible Online

Salmos 64 - Tabaa Zapotec bible

Salmos 64

¹Dios, bze̱ naga chi'a lawe' da zua' ste̱be dxuláwizra' Lue'.Bxue xel-la' nabán chia' lawe' da dxezreba' bi xelún benne' ca' dxeledábague̱' neda'.

²Bcache chawe' neda' chee̱ quebe xelún benne' we̱n da cale̱la chia' ca da dxelezá lazre̱',ne chee̱ quebe xelún benne' dxelún da zrinnaj chia' ca da zaj nune̱' xelune̱' chia'.

³Dizra' dxuluchálaje̱' zaj naca na ca xia zaj nalále̱'e̱ na,ne dxelenné̱' schanni' ca dxun tu benne' dxusane̱' xaga nalá xéche'ze chee̱'.

⁴Caní dxelenné̱' bagácheze chee̱ xelune̱' cheajlechaze benne' zaj naque̱' li lazre'.Chadite̱ dxelune̱' na, ne quebe bi dxelezrebe̱'.

⁵Dxelune̱' ba xuzre xelune̱' da zrinnaj da zaj nune̱' xelune̱',na' dxuluzúe̱' xralaj ca' chee̱ xele̱le̱' bénneache, dxelenné̱': “¿Nuzra le'e da dxundxu?”

⁶Dxelílaje̱' ca zaj naca da zrinnaj xelune̱', ne dxelenná' xánnie̱' ca zaj naca na.Ca da zaj xu'u xichaj lázrdawe̱' zaj naca na sté̱bele̱'e̱ ca zaj naca lázrdauqueze̱'.

⁷Dios gune̱' benne' ca' we̱' nen tu xaga nalá xéche'ze chee̱'.Chadite̱ xelu'e̱ xízrawe̱' zren ca'.

⁸Dizra' buluchalaj benne' ca' xelún na cheajlecházie̱',na' xelezrebe xúgute̱ bénneache gate xelelé'ene̱' benne' ca'.

⁹Nadxa xelezrebe xúgute̱ bénneache, ne xuluzenne̱' ca da nun Dios,na' xuluxúnbe'e̱ ca zaj naca da be̱ne̱' Le̱'.

¹⁰Béqueze benne' xrlátaje lau Xránadxu, ne guxrén lazre̱' Le̱',na' xelezúa lu da ba neza xúgute̱ benne' zaj naque̱' li lazre'.