Read Tabaa Zapotec Salmos 67 Bible Online

Salmos 67 - Tabaa Zapotec bible

Salmos 67

¹Dios, bexache lazre' netu', ne be̱n da chawe' chee̱ntu'.Dute̱ xel-la' zri'i lazre' chiu' guzúale̱ netu',

²chee̱ xelúnbea bénneache du gabí'i xe̱zr la xu ca naca da dxaca lazru',ne chee̱ xeleneze bénneache dute̱ xe̱zr la xu ca dxuseláu' bénneache.

³Xúgute̱ bénneache dxelúe lá'ane̱' Lue', Dios.Dxelúe lá'ana xúgute̱ bénneache Lue'.

⁴Le be, ne le sua lu da ba neza, le'e, bénneache dute̱ xe̱zr la xu,lawe' da guchi'a Dios chee̱le ca naca da xrlátaje, ne guxúequeze̱' xúgute̱ bénneache.

⁵Xúgute̱ bénneache dxelúe lá'ane̱' Lue', Dios.Dxelúe lá'ana xúgute̱ bénneache Lue'.

⁶Xe̱zr la xu nigá ba zria na lina chee̱ na,lawe' da be̱n Dios chee̱dxu da chawe' chee̱dxu.

⁷Dios ba be̱ne̱' chawe' chee̱dxu,na' gátete̱ze dxal-la' xelapa bénneache Le̱' ba lá'ana.