Read Tabaa Zapotec Salmos 79 Bible Online

Salmos 79 - Tabaa Zapotec bible

Salmos 79

¹Dios, ba gulú'u benne' xe̱zr la xu zitu' ca' lu xe̱zr la xu chee̱ bénneache chiu'.Bulucá'ana dítaje̱' xudau' lá'azxa chiu'.Buluzría xi'e̱ xe̱zre Jerusalén.

²Bulucá'ane̱' be̱la' dxen chee̱ we̱n zrin chiu' ca' naga gulagu be̱ zua xrila le̱'.Be̱ xixre' ca' guláguba' be̱la' dxen chee̱ benne' ca' zaj naque̱' chiu'.

³Ca nisa bululálaje̱' dxen chee̱ benne' ca' xúgute̱ lu neza chee̱ xe̱zre Jerusalén,ne quebe nu chilá' benne' gucache̱' benne' ca'.

⁴Benne' xe̱zr la xu walizre' chee̱ntu' ca' dxulucháchale̱ne̱' netu'.Benne' zaj zre̱'e̱ xe̱zre walízr ca' dxulucá'ana dítaje̱' netu', ne dxelún le̱' chee̱ntu'.

⁵¿Bata cuézaqueze gaca caní chee̱ntu', Xran?¿Tu chí'izqueze dxezra'u netu'?¿Tu chí'izqueze gaca xel-la' dxezrá'a chiu' ca tu xi'?

⁶Bzra'a benne' xe̱zr la xu ca' quebe zaj núnbe'e̱ Lue',na' benne' xe̱zr la xu ca' quebe dxululáwizre̱' Lue',

⁷lawe' da ba buluzría xi'e̱ zri'ine zre sua Jacob,ne bulucá'ana dítaje̱' xu'u lizre benne' ca'.

⁸Quebe gusebagu' netu' ca naca da zrinnaj da belún xra xrtauntu' ca'.Gudázega xexache lazru' netu', lawe' da dxezraga láule̱'e̱ntu'.

⁹Gúcale̱ netu', Dios, nacu' Bénnea' dxuselé̱' netu', chee̱ gaca ba Lau'.Bselá netu', ne bnite lau dul-la nuntu' chee̱ xegá'ana szren Lau',

¹⁰lawe' da xelenná bénneache: “¿Ga na Dios chee̱ benne' ca'?”Bebéaj lazre' benne' ca' belútie̱' we̱n zrin chiu' ca'.

¹¹Caní be̱n chee̱ xelelé'e xúgute̱ benne' chiu' ca' zaj xu'e̱ lu na' benne' ca' dxeledábague̱' netu'.Dute̱ xel-la' waca zren chiu' bselá benne' ca' ba zaj nachugue̱' chee̱' xelatie̱'.

¹²Bunezruj chee̱ benne' xe̱zr la xu walizre' chee̱ntu' ca' xegazre cue'ca da cale̱la da belune̱', bulucá'ana dítaje̱' Lue', Xran.

¹³Netu', bénneache chiu', nácantu' ca zrila' chiu' ca',güe lá'anaquezentu' Lue' chadía chacanna.Tu cuen tu cuen zri'ine zre suantu' gúl-laquezentu' da güe lá'anantu' Lue'.