Read Tabaa Zapotec Salmos 8 Bible Online

Salmos 8 - Tabaa Zapotec bible

Salmos 8

¹Lue' Dios, Xránantu', zrente̱ naca Lau' du gabí'i xe̱zr la xu.Zrendxa naca xel-la' szren chiu' ca xabáa.

²Bidu ca', ne bidu dxe'ene ca' dxelúl-labe' ca naca na.Zúaquezu' lataj chawe' naga quebe xelezrín benne' ca' dxeledábague̱' lue'.Dxuzúa zriu' benne' dxeledábague̱' lue', ne benne' dxelecuídene̱' Lue'.

³Gate dxenná'a xabáa da nunu' Lue',ne beu', ne belaj ca', da ca' nuzú' cha chee̱ na,

⁴na' dxuche̱ba': “¿Ájazra naca bénneache, dxulaba lazru' chee̱ le̱'?¿Ájazra naca bénneache, dxe'u gunne xue le̱'?”

⁵Be̱nu' le̱' látezdxa szren ca nacu' Lué'queze,ne bzu' chee̱' xel-la' szren, ne xel-la' ba lá'ana.

⁶Be̱nu' dxenná bé'ene̱' xúgute̱ da ca' nunu'.Xúgute̱ na bdeu' lu ne̱'e̱,

⁷zrila' ca', ne be̱zre ca',ne xúgute̱ be̱ xixre' ca',

⁸be̱ zaj zua xrila, ne bela ca',ne xúgute̱ da zaj zua na lu nísadau'.

⁹Xránantu', Dios,szrente̱ naca Lau' du gabí'i xe̱zr la xu.