Read Tabaa Zapotec Salmos 83 Bible Online

Salmos 83 - Tabaa Zapotec bible

Salmos 83

¹¡Dios, quebe sua zriu'!Quebe su' zrize, Dios, ne quebe gusezxuj dxu'u,

²lawe' da dxelebezre xa'a benne' ca' dxeledábague̱' Lue',ne dxulucá'ana szren cuina benne' ca' dxelecuídene̱' Lue'.

³Bagácheze ba zaj nune̱' tuze dizra' bi xelune̱' chee̱ bénneache chiu',ne ba zaj nune̱' bi xelune̱' chee̱ benne' ca' dxuxúequezu' Lue'.

⁴Gulenné̱': “Le chu'u, guzría xidxu benne' ca'chee̱ québedxa xelaque̱' tu cue' xe̱zr la xu,ne québedxa nu sua benne' cheajsá lazre̱' la Israel.”

⁵Ba belune̱' tuze dizra'.Zaj nune̱' tuze dizra' xeledábague̱' Lue'

⁶benne' Edom ca', ne benne' Ismael ca',ne benne' Moab ca', ne benne' zri'ine zre sua ca' Agar,

⁷ne benne' Gebal ca', ne benne' Amón ca', ne benne' Amalec ca',ne benne' Filistea ca', ne benne' zaj zre̱'e̱ xe̱zre Tiro.

⁸Cá'anqueze benne' Asiria ca' zaj nune̱' le̱' tuze.Xúgute̱ benne' caní dxelune̱' zrin chee̱ zri'ine zre sua Lot.

⁹Be̱n chee̱ benne' caní ca be̱nu' chee̱ benne' Madián ca',ne ca be̱nu' chee̱ Sísara, ne ca be̱nu' chee̱ Jabín dxu'a xe̱gu Cisón,

¹⁰benne' ca' gulátie̱' lu xe̱zr la xu Endor,na' belexaque̱' ca xrche̱'e̱ be̱zre da gun na be̱be lu xe̱zr la xu.

¹¹Be̱n gaca chee̱ benne' blau ca' chee̱ benne' caníca guca chee̱ Oreb, ne chee̱ Zeeb,ne be̱n gaca chee̱ benne' dxelenná bé'ene̱' benne' caníca guca chee̱ Zeba, ne chee̱ Zalmuna,

¹²lawe' da gulenná benne' caní: “Gaca chee̱dxu xe̱zr la xunaga zaj zra' bénneache chee̱ Dios.”

¹³Dios chia', be̱n xelaque̱' ca xizre be̱be da dxua be' gate dxedube na.Be̱n xelaque̱' ca xrlácue xia xéladu ca' da dxua be' bdunu'.

¹⁴Ca dxun tu xi' da dxuzezxe na tu xi'a zren,ne ca dxun xi' da dxuzezxe na tu din zren,

¹⁵ca'an gudáu zi' xuzre benne' caní tu lu be' bdunu',ne bchebe le̱' nen tu be' bdunu' chiu'.

¹⁶Be̱n xelexedué'ele̱'e̱ne̱',ne be̱n xelape̱' Lue' ba lá'ana, Xran.

¹⁷Be̱n xeleque zréajene̱' ne xelezúa sté̱bele̱'e̱ tu chí'izqueze.Be̱n xelexegá'ana dítaje̱', ne xelexenítie̱'.

¹⁸Be̱n xelexúnbe'e̱ nacu' Lue' Xránantu' Dios.Tuzu' Lue' nacu' Dios zrente̱ lawe' dute̱ xe̱zr la xu.