Read Tabaa Zapotec Salmos 84 Bible Online

Salmos 84 - Tabaa Zapotec bible

Salmos 84

¹Nazrí'ile̱'e̱da' xudau' chiu' Lue', Dios, napu' dute̱ xel-la' waca.

²Dxaca lázrele̱'e̱da' sua' ga na',ne dxezá lazra' sua' lu xudau' chiu', Xran.Dute̱ da naca', ne dute̱ lázrdawa' dxul-la' chiu' Lue', Dios ban.

³Ba belún chje̱gu ca' xrú'uneba',na' buchuj ca' zaj de̱ lataj naga dxuluzríaba' biadu chee̱ba' ca'naga zua lu cugu chiu' Lue', Dios, napu' dute̱ xel-la' waca.Nacu' Lue' Wenná Bea chia', ne Dios chia'.

⁴Ba neza zrente̱ naca na chee̱ benne' ca' zaj zre̱'e̱ xudau' chiu'.Chadía chacanna xelúe lá'anaqueze̱' Lue'.

⁵Ba neza zrente̱ naca na chee̱ benne' ca',Lue' dxuzúa chuchu' le̱',benne' ca' dxelezá lazre̱' chjaque̱' xi'a lá'azxa chiu', xi'a Sión.

⁶Gate dxeledée̱' lache' bizre nazí le naLache' Nisa Dxebézredxu,dxexaca na lataj naga dxalaj nisa,na' gusezrá nisa xiuj ca zaj naca beaj ca'.

⁷Dxelácadxe̱' benne' wal-la dxácate̱ ne zaj xu'e̱ nezalawe' da xelelé'ene̱' Dios lu xi'a lá'azxa chee̱', xi'a Sión.

⁸Bene, Xran, ca naca da dxenaba' Lue', Dios, napu' dute̱ xel-la' waca.Bene, Dios, nacu' Dios chee̱ Jacob.

⁹Be̱n da xrlátaje chee̱ benne' wenná bea chee̱ntu', Dios,benne' wenná bea na' guca'u Lue'.

¹⁰Cháwedxa naca sua' tu zraze lu xudau' chiu'quézcala sua' chi gaxúa iza naga xula.Dxaca lazredxa' sua' dxa xu'a xudau' chee̱ Dios chia' ca tu benne' nada'u,quézcala súaqueza' tu lizra' zaca naga quebe zua Dios.

¹¹Xránadxu Dios naque̱' Benne' dxuxúe̱' dxi'u,ne Benne' Wenná Bea xabáa chee̱dxu.Dxune̱' dxi'u da chawe' dute̱ xel-la' zri'i lazre' chee̱',ne dxune̱' dxelapa bénneache dxi'u ba lá'ana.Quebe xezúene̱' zi' gune̱' da chawe' chee̱ benne' ca' zaj naque̱' du lazre'.

¹²¡Dios, napu' dute̱ xel-la' waca!¡Ba neza zrente̱ naca na chee̱ benne' ca' dxuluxrén lazre̱' Lue'!