Read Tabaa Zapotec Salmos 85 Bible Online

Salmos 85 - Tabaa Zapotec bible

Salmos 85

¹Be̱nu' da xrlátaje chee̱ bénneache chiu', Xrana' Dios.Be̱nu' belexelá zri'ine zre sua Jacob,benne' ca' gulu'e̱ lu na' benne' zitu' ca'.

²Bnite lau' da zrinnaj da belún bénneache chiu'.Bdeu' chalá'ala ca zaj naca dul-la chee̱ benne' ca'.

³Bzua zriu' xel-la dxezrá'a chiu',ne bsanu' xel-la' xichaj zra'a chiu'.

⁴Be̱n xezúantu' lu da ba neza chee̱ xel-la' weselá chiu', Dios,ne québedxa zra'u netu'.

⁵¿Tu chí'izqueze zra'u netu'?¿Wazrá'aquezu' tu cuen tu cuen zri'ine zre suantu'?

⁶¿Québedxa gunu' xexaca bantu',chee̱ súantu' lu da ba neza lau Lue'?

⁷¡Xran, bexache lazre' netu', ne bselá netu'!

⁸Guzé̱ naga' da nne̱ Xrana' Dios.Nne̱' da guzúa na bénneache chee̱'lu xel-la' dxebeza zri lazre',chee̱ québedxa xelún benne' lá'azxa chee̱' da xálaze.

⁹Da líqueze Le̱' zúate̱queze̱' guselé̱' benne' ca' dxelezrebe̱' Le̱',chee̱ sua da xabáa chee̱' lu xe̱zr la xu chee̱dxu.

¹⁰Zaj nazraga xel-la dxexache lazre', ne da li chee̱ Dios.Zaj naca tuze da xrlátaje, ne xel-la' dxebeza zri lazre'.

¹¹Da li chee̱' gusezrá na xe̱zr la xu nigá,na' sel-le̱' da xrlátaje chee̱' da za xabáa.

¹²Xránadxu gúnnaqueze̱' dxi'u da cháwedau',na' gúnnale̱'e̱ xe̱zr la xu chee̱dxu.

¹³Nu benne' naque̱' xrlátaje waca xezrine̱' lau Dios,na' gune̱' gundxu ca da ba blé'ene̱' gundxu.