Read Tabaa Zapotec Salmos 87 Bible Online

Salmos 87 - Tabaa Zapotec bible

Salmos 87

¹Lane xe̱zre Sión zria na lu xi'a lá'azxa.

²Nazrí'idxa Xránadxu Dios lataj naga dxuluchi'a benne' zaj zre̱'e̱ xe̱zre Sión,ca nazrí'ine̱' xúgute̱ xu'u lizre zri'ine zre sua Jacob.

³Da xrtante̱ ca' dxelenná bénneache ca naca xe̱zre chee̱ Dios.

⁴Cheajsá lazra' lu xe̱zr la xu Egipto, ne lu xe̱zr la xu Babiloniaga na' zaj zra' bénneache zaj núnbe'e̱ neda'.Le nna' xque, lu xe̱zr la xu Filistea, ne lu xe̱zre Tiro, ne lu xe̱zr la xu Etiopía gulalaj benne' caní zaj naque̱' chia'.

⁵Ca naca chee̱ xe̱zre Sión nnia':Benne' nigá, ne bénnea' gulálaje̱' ga na', na' neda', Dios zrente̱, guzúa chúchua' xe̱zre na'.

⁶Gate gulaba Xránadxu Dios benne' ca' zaj naque̱' chee̱',nne̱': “Benne' nigá gúlaje̱' lu xe̱zre na'.”

⁷Benne' ca' dxelul-le̱', ne benne' ca' dxeline̱' xide xelenné̱':Ca naca da ba neza zúantu' lu xe̱zre na'.